Këngëtarja me famë botërore Dua Lipa, e njohur jo vetëm për vokalin e saj të jashtëzakonshëm, por edhe për mbrojtjen e të drejtave të njeriut në mbarë botën, së fundmi është shprehur në mbrojtje të emigrantëve shqiptarë në Britani. Emigrantët shqiptarë janë përballur me kritika të ashpra nga ministra të caktuar të qeverisë britanike.
Ylli i popit, Dua Lipa, ka kritikuar mënyrën se si ministrat britanikë i kanë diskutuar emigrantët.
“Sigurisht që dhemb. Të gjitha ato fjalë të hedhura rreth emigrantëve? Gjithmonë kam ndjerë se Londra ishte një bashkim kulturash. Është pjesë përbërëse e qytetit,” ka thënë ajo në një intervistë për Sunday Times.
“Kështu që kur dëgjon qeverinë që flet për shqiptarët, për shembull, të dhemb. Është dritëshkurtër dhe mendjevogëlsi, por është mënyra se si mendojnë shumë njerëz. Pavarësisht se si ne përpiqemi të ndryshojmë retorikën, gjithmonë do të ketë nga ata që mendojnë, ‘Emigrantët po vijnë në vend dhe po zënë punë.’ “
Duke i dalë në mbrojtje bashkkombasve të saj dhe të gjithë emigrantëve tjer, Dua Lipa tha se emigrantët që kanë ardhur këtu e kanë fituar paranë e tyre duke punuar jashtëzakonisht shumë.
“Duhet të ketë më shumë ndjeshmëri, sepse njerëzit nuk largohen nga vendi i tyre nëse nuk duhet ta bëjnë nga nevoja, nga frika për familjen e tyre”, tha Lipa në një intervistë për “Sunday Times”.
Dua Lipa me origjinë nga Kosova tashm është shndërruar në figurë multidimensionale. Dhe me të drejt National Today pyet nëse ka ndonjë gjë që Lipa nuk bën?
Këngëtare, botuese, intervistuese: ajp muajin e kaluar lansoi një sërë veshjesh me Donatella Versace. Më pas ajo bën debutimin e saj në aktrim si sirenë në Barbie të Greta Gerwig. Ajo madje ka krijuar një klub librash dhe, është vetëm 27 vjeç.
Dua Lipa e zëshme për mbështetjen e grave
Lipa është e hapur në mbrojtjen e saj ndaj grave, duke folur kundër mënyrës se si media i portretizon ato . “Ajo që po ndodh tani është njëfarë revolucioni; ne mbrojmë vetëm atë në të cilën besojmë, atë që ndihemi rehat duke bërë, atë që tingëllon e vërtetë për ne dhe atë që na bën të ndihemi krenarë për veten tonë.” Ajo ka mbështetur gjithashtu fushatën e Planned Parenthood’s Bans Off My Body, e cila kundërshton kufizimet në praktikën e ligjshme të abortit. Për Lipën, e cila deklaron se “të jesh e lirë është ajo që unë mbroj”, liria e gruas është e një rëndësie të madhe.
Ajo është mirënjohëse
Lipa nuk e merr lehtë famën e saj dhe e kupton se në shumë fusha, gratë duhet të punojnë shumë më shumë se burrat për të arritur qëllimet e tyre. Pavarësisht nga popullariteti i saj i shpejtë, Lipa ruan vërtetësinë e saj dhe qëndron e qetë. Ajo tha, “Ngjitja për të arritur atje është ajo që na bën ata që jemi. Na bën shumë më të fortë dhe është një gjë e pabesueshme që të mbush me kaq shumë mirënjohje dhe të shtyn atje ku dëshiron të jesh.”
Ajo ka organizatën e saj bamirëse
Lipa, e cila është rritur në Kosovë dhe në Londër, gjithmonë i ka nderuar rrënjët e saj. Ajo i dha rreth 120,000 dollarë Fondacionit Sunny Hill në vitin 2018, një organizatë jofitimprurëse me bazë në Kosovë që ajo mbështet dhe shërben si mbrojtëse e saj.,/Katror.info
Përgatiti:
