Biznismeni miliarder, Elon Musk të mëkurën ka lansuar startupin e tij për Inteligjencë Artificiale xAI të cilin e kishte paralajmëruar prej kohësh, për të nxjerrë një produkt që synon të konkurrojë me ChatGPT.
Ky startup do të udhëhiqet nga Musk, i cili në të njëjtën kohë kishte thënë se zhvillimi i AI-s duhet të pauzohet dhe se ky sektor kishte nevojë për monitorim, raportojnë mediat.
Musk ka shprehur vazhdimisht shqetësimet për potencialin e AI-s që mund të “shkatërrojë civilizimin”.
Musk ka shpjeguar planin e tij për ndërtimin e një Intelegjence Artificiale më të sigurt gjatë një eventi në Twitter Spaces të mërkurën në mbrëmje.
“Nëse do të përpiqet të kuptojë natyrën e vërtetë të universit, kjo do të ishte në fakt gjëja më e mirë që mund të dal nga pikëpamja e sigurisë së AI-s”, tha Musk. “Unë mendoj se do të jetë pro-njerëzimit nga pikëpamja që njerëzimi është thjesht shumë më interesant se jo-njerëzimi”.
Musk gjithashtu parashikoi se super-inteligjenca, ose AI që është më e zgjuar se njerëzit, do të arrijë në pesë ose gjashtë vjet.
Vlen të theksohet se ai ka bashkë-themeluar kompaninë e njohur të Inteligjencës Artificiale, Open AI që qëndron mbrapa ChatGPT-s, në vitin 2015, por dha dorëheqje nga bordi në vitin 2018.
Microsoft është një investitor në OpenAI. /Katror.info
Përgatiti:
