Kantautorja dhe vokalistja e re dhe shumë e talentuar, Elsa Rraqi, sjelli të martën pasdite edhe një perlë bashkë me instrumentistët ma t’mirë të vendit.
Kësaj here, artistja e re me zërin engjëllor rikthen “Mu në bahçen tënde”, këngë kjo e njohur për popujt e Ballkanit, por të cilën Elsa me zërin e saj melankolik dhe orkestrimi fantastik e çojnë në një nivel krejt tjetër.
“T’dashtun, mezi kom pritë m’e nda këtë kangë me juve! “Mu në bahçen tënde” është punu me shumë dashni e dedikim. Kjo është ni kangë shumë e randësishme për krejt popujt e Ballkanit, që e kanë të gjithë pjesë të kulturës së tyne muzikore, e që është ni pikëtakim shumë i randësishëm për trashëgiminë tonë të përbashkët,” ka shkruar Elsa në llogarinë e saj në Facebook.
Mundesh me e lexu edhe…
Elsa ua atribon meritat bashkëpunëtorëve.
“Harqet i ka shkrujtë Visar Kuçi, e kanë qenë qershia mbi tortë për këtë kangë që e bojshim ma me qef në prova. I falënderoj përzemërzisht instrumentistat, për energjinë e mirë e punën e palodhshme, bashkë me pjesën tjetër të profesionistave të përfshimë. Shpresoj që keni me e shiju sa na!”
Elsën shumë e kanë karakterizuar si një vajzë më një zë engjëllor që i përshtatet fort mirë me karakterin e saj, ëmbëlsia me buzëqeshjen e thellësia e teksteve me shpirtëroren.
Kangët e Elsës, munden mos me pasë klikime milionëshe, por kush e njeh muzikën dhe do me u zhyt në tingujt e butë dhe zërin melankolik të saj nuk ka me u ndal t’u lyp me dëgju sa ma shumë kangë të saj.
“Gjithmonë kam menduar që arti është shumë i sinqertë, në të jemi të zhveshur, jemi tërësisht vetja dhe kam pyetur veten se a do të doja të më njohin njerëzit kësi soji?”, pat thënë Elsa në një intervistë të mëhershme për Kult Plus.
Edhe UNDP e vlerëson Elsa Rraqin si një muzikante që synon të ndërtojë ura kulturore përmes muzikës. Në këtë kuadër përmend këngën “T’shkuara” (Bygones)”, ku ajo e riinterpreton muzikën tradicionale në mënyrë moderne.
Ata që e njohin Elsën, nuk kanë si mos me ditë kangën e parë të shkruar prej saj në moshën 19 vjeçare “Mu.”
“Një interpretim që të rrëqeth, në të cilën jep shpirt, emocion, ndërsa zëri i saj ne fund ni produkt me vlera artistike dhe larg komercializmit. Nuk e mbaj mend te kem ndegju kang qe ka aq shume shpirt, ndjesi, emocion e… gjithçka,” shkruan një komentues në llogarinë e saj në Youtube.
“Kangët e tua kan fillu ta kenë zili njëra-tjetrën prej bukurisë.”
Elsa e ka një fuqi që i buron nga shpirti kur i këndon dashurisë. Po ju lëmë me disa nga vargjet e këngës “Bukur” që edhe ju me i ‘lonë shqetësimet mbrapa e me u deh në jetë.’
“Sot po i lo krejt
Mbrapa senet që m’kanë brejtë,
Shqet’simet që nuk ja kanë vlejtë,
Du me u dehë n’jetë.
Po du me k’cy me n’krah ty,
Me t’i tregu senet n’sy,
Me u dashunu n’lumtuni,
Me bo magji.”
Përgatiti:
