Po vazhdojmë me muzikë rock shqip të grupit Telex.
Bahet fjalë për kangën “Më merr, më ndihmo” një kangë e cila njësoj si shumica e kangëve të Telex ka thyer barriera e tabu socio-kulturore të kohës.
Telex është grup artistësh i njohur. Grupi Telex u formua në Shkup në vitin 1979 nga Ismet Shaini, Shpend Ahmeti, Enver Bunjaku, Ylli Ismaili, Sejat Jakupi.
Mundesh me e lexu edhe…
Paraqitjet e para skenike-koncertet ky grup i realizoi në bashkëpunim dhe nën patronazhin e SHKA “Ibe Palikuqi” në Shkup e që këto paraqitje të Telex-ave në të vërtetë ishin edhe aktivitetet fillestare të kësaj shoqërie kulturore artistike.
“Telex-at” që nga viti 1981 e këtej plotësisht mbretëronin në muzikën zbavitëse shqiptare që atë kohë mori hov në Maqedoni, Kosovë dhe gjetiu. “Telex”-i ishte i pranishëm dhe përherë në ballë të të gjitha top listave. Morrën pjesë në shumë festivale si dhe të gjitha rok manifestimet, kishin turne të përbashkët me grupin Sarajevas “Bjello Dugme”.
Në një intervistë ekskluzive për Katror.info, pjesëtari i grupit Telex, Sejat Jakupi ka treguar se ku nisi zanafilla e kangës “Më merr, më ndihmo”.
“Kjo këngë u shkrua në vitet e ’70-ta të shekullit të kaluar. E kam patur si ide këtë kangë në kokë, si dhe më vonë u incizua disa vite, pas demostratave të vitit 1983-1984″, tregon Sejati.
- Muzika për kangën u punua nga vetë Sejati, ndërsa autor i tekstit ishte Shpend Ahmeti.
Teksti i kangës “Më merr, më ndihmo” i ka rezituar kohës pasi që kur u publikua, sfidoi shumë tabu shoqërore e tema që fliteshin fare pak në diskutime publike.
Gjithashtu, shumicën e këngëve të grupit “Telex” i shkroi pjestari i grupit Shpend Ahmeti.
Sipas Sejatit, kanga i dedikohet kryesisht të drejtave dhe lirive.
“Rrethant shoqërore, ishte situata kur vetëdija kombëtare filloj të rritet, dhe njerëzit filluan të demostrojnë për sa më shumë të drejta dhe për liri. Dhe në atë kohë, Prishtina ishte e mbushur me studentë, me rini. Dhe ajo rini kishte dëshirë të dëgjonte sa më shumë këngë shqipe, dhe kjo ishte njëra nga arsyet pse kangët tona u popullarizuan aq shpejt”, rrëfen Sejati.
Ndërsa kur filluan ta punonin këngën bashkë me Shpendin, çdoherë i morën parasysh situatat dhe marrëdhëniet ndërnjerëzore.
“Dëshira jonë ishte që ta bënim një kangë dashurie, ku hyn edhe elementi i seksit, sepse deri atëherë këngët ishin kryesisht në mënyrë rinore, pa pjesëmarrje të trupit, bardhë e zi... Kangën “Më merr, më ndihmo” e kuptoj si mund të jetë një burrë që e kërkon një grua me eksperiencë seksuale ose mund edhe të kuptohet si një grua që e kërkon nji mashkull me eksperiencë”, shton Sejati.
- Ideja e tekstit ngërthen në vete lirinë e gruas mbi veten e saj, shprehjen e lirë seksuale dhe të drejtën e saj mbi trupin e saj.
Verse i parë i kangës e sheh gruan jo si vetëm si objekt por si subjekt që ia del ta jetojë jetën siç ndihet dhe siç dëshiron.
Normalisht, kur u shkrua teksti në vitet e ’70-ta, secilën hapësirë publike e mediale e mbizotëronin burrat dhe ka qenë tejet e vështirë t’i këndohej lirisë së gruas, e sidomos për tema siç është intimiteti, dashuria e përvojat seksuale.
“Kam dëgjuar e ashpër je në puthje
kam dëgjuar se ti nuk do lutje
me kanë thënë kurrë s’je e vetmuar
dashurine çdo kujt ja ke dhuruar”, vazhdon versi i parë.
Ndërsa i dyti e shpërfaqë anën e brishtë të një burri, i cili nuk heziton t’ia shpreh dashurinë, erotizimin dhe dëshirën gruas që dashuron.
Gjithashtu, shpreh një burrë më të modernizuar, çdoherë po flasim për vitet e ’80-ta, ku imazhi i burrit ndaj një gruaje ka qenë çdoherë më i fuqishëm, dominant e mbizotërues. Kurse Telex-at, në atë kohë sfidojnë këto kompleksitete e konstrukte shoqërore pikërisht duke e vendosur gruan si subjekti i cili e merr vëmendjen dhe nga e cila kërkohet mësim, përvojë e ndihmë.
“Më merr më ndihmo
të gjitha që i di – ti mi mëso, mëso
Më merr më ndihmo
të gjitha që i di – ti mi mëso, mèso
eeeee ahaaa më merr, më merr”, vazhdon refreni i kangës.
Në vitin 1982 dhe 1983 në valët e RTV Prishtinës u zgjodhën grupi i vitit. Në 1983-ën një këngë e shkruar nga Telexat për grupin “Bijello Dugme” do të bëhet hit i madh në Jugosllavinë e atëhershme kështuqë me paraqitjen e tyre në koncertet e përbashkëta Telex-at do ta fitojnë respektin e merituar edhe në suazat e skenës Jugosllave.
Në vititn 1984 fituan mikrofonin e artë të RTP-së. Në vitin 1985 u editua kaseta e parë në produkcion të RTP-së e cila u shit në një tirazh mjaft të madh që në atë kohë ishte i paaritshëm për shumë artistë. Pasuan koncerte të shumta në Kosovë, Maqedoni dhe diasporë.
Burimet janë marrë nga Tekste Shqip./Katror.info
Përgatiti:
