Të premten në mbrëmje u shfaq premiera e dokumentarit “4 Çerekët,” prodhim i Katror Media me autor Leart Hoxha dhe me kontributin e ish-basketbollistit dhe gazetarit sportiv Blerim Vuniqi. Federata e Basketbollit të Kosovës në një njoftim në webfaqen e vet, ka shkruar se dokumentari rrëfen historinë e basketbollit të Kosovës, që nga periudhat e vështira e deri në ditët e sotme.
Dokumentari është i ndarë në katër episode, një ndarje simbolike që ndjek formatin e një ndeshje basketbolli. Të premten në mbrëmje në Kolegjin AAB, është shfaqur çereku i trete i serise së dokumentarit 4 Çerekët.
“Në këtë ngjarje mjaft të rëndësishme për basketbollin e Kosovës, që shënon një hap para në këtë drejtim, kanë marrë pjesë personalitete nga bota e basketbollit dhe artit,” shkruan FBK.
Mundesh me e lexu edhe…
Ky projekt që është mbështetur nga Ministria e Kulturës, Rinisë dhe Sportit, si dhe përkrahur nga Federata e Basketbollit e Kosovës.
Kryetari i FBK-së, Arben Fetahu, para të pranishmëve foli për rëndësinë e dokumentarit, ndërsa Leart Hoxha dhe Muhamet Jashanica nga Katror Media, kanë folur për iniciativën dhe detajet e këtij dokumentari si është realizuar.
Çereku i parë përfshin fillesat e sportit, merret me fillimet e basketbollit, që nga vitet e 40-ta deri te ngritja e Buduqnostit të Pejës në vitet e ’60-ta.
Çereku i dytë fokusohet në dy klube kyçe Elektrokosova te meshkujt dhe Universiteti te femrat – që kanë përcaktuar drejtimin e zhvillimit sportiv në Kosovë.
Çereku i tretë përfshin periudhën më dinamike: pjesëmarrjen në ligat e ish-Jugosllavisë, mëvetësimin e sportit dhe sfidat gjatë okupimit e pasluftës.
Çereku i fundit tregon përpjekjet për ndërkombëtarizim, nga përfshirja në ligën Trocal dhe BIBL deri te anëtarësimi i FBK-së në FIBA në vitin 2015./Katror.info
Përgatiti:
