Federata e Futbollit e Kosovës ka njoftuar se tashmë i është drejtuar Gjykatës së Arbitrazhit Sportiv (CAS) lidhur me vendimin e UEFA-s për ndeshjen Rumani – Kosovë, të zhvilluar më 15 nëntor në Bukuresht.
Apeli i UEFA-s e ka regjistruar ndeshjen e ndërprerë me rezultat 3:0 në të mirë të Rumanisë.
Ndeshja e Ligës së Kombeve mes Rumanisë dhe Kosovës u ndërpre në minutën e 92-të në Bukuresht. Lojtarët e Kosovës u larguan nga fusha për shkak të thirrjeve raciste nga tifozët rumunë, që përfshinin mesazhe si “Serbia, Serbia” dhe “Kosova është Serbi”.
Mundesh me e lexu edhe…
Ekipi kosovar, duke përfshirë kapitenin Amir Rrahmani, kishte raportuar këto thirrje disa herë para se të braktiste ndeshjen. Gjyqtari kërkoi që ndeshja të rinise, por Kosova nuk pranoi të kthehej në fushë, duke i dhënë UEFA-s mundësinë të shqyrtojë një procedurë disiplinore për të dyja ekipet./Katror.info
Përgatiti:
