Më 25 prill, me fillim nga ora 19:30, në Prishtinë do të mbahet koncerti i fundit për muajin prill nga Filharmonia e Kosovës, shkruan Katror.info.
Nën drejtimin e dirigjentit të njohur francez Aurélien Azan Zielinski, orkestra do të sjellë një program të veçantë për publikun. Solist i mbrëmjes do të jetë fizarmonicisti Félicien Brut, i cili do të interpretojë koncertin për fizarmonikë të kompozitorit Romain Dumas.
Në pjesën e dytë të koncertit do të interpretohet një vepër nga kompozitori kosovar Rafet Rudi, si dhe Vallet Polovecke Nr. 17 nga Alexander Borodin.
Mundesh me e lexu edhe…
Dirigjenti Aurélien Azan Zielinski njihet për përvojën dhe bashkëpunimet e tij të shumta ndërkombëtare. Ai ka qenë drejtor artistik i Orkestrës së Radio-Televizionit Shqiptar dhe ka udhëhequr ansamble prestigjioze si Orkestra Kombëtare e Francës, Royal Philharmonic Orchestra dhe BBC National Orchestra of Wales. Përveç karrierës së tij muzikore, ai është edhe profesor në Haute École de Musique në Lozanë dhe një mbështetës i pasionuar i edukimit muzikor.
Ky koncert premton një mbrëmje të pasur artistike, ku publiku do të ketë mundësi të përjetojë një përzierje të repertorit klasik dhe bashkëkohor./Katror.info
Përgatiti:
