Fondi i Ballkanit Perëndimor po cilësohet si një iniciativë thelbësore për të afruar më shumë popullatën e rajonit dhe për të mbështetur integrimin e shteteve të tij në Bashkimin Evropian. Ky fond është një mundësi për të financuar projekte që promovojnë bashkëpunimin dhe zhvillimin ndërmjet shteteve të Ballkanit Perëndimor, duke kontribuar në stabilitetin dhe integrimin rajonal, raporton KosovaPress.
Menaxherja e programit në Fondin e Ballkanit Perëndimor, Dafina Beqiri, thekson për KosovaPress se ky Fond është krijuar për të mundësuar financimin e projekteve në partneritet me organizata nga shtete të ndryshme të Ballkanit.
Beqiri thekson se ky mekanizëm ndihmon në forcimin e bashkëpunimit dhe integrimin ndërkombëtar, duke kontribuar në zhvillimin e përbashkët të rajonit dhe ngritjen e standardeve që lidhen me aspiratat e integrimit evropian.
Mundesh me e lexu edhe…
Në një intervistë për KosovaPress, Beqiri theksoi se deri tani Fondi ka mbështetur më shumë se 100 projekte gjatë pesë viteve të fundit rajon, prej tyre rreth 30 kanë qenë vetëm për Kosovë.
Beqiri gjithashtu foli për projektet e reja që janë në zhvillim, duke nënvizuar rëndësinë e vazhdimësisë së mbështetjes për zhvillimin e rajonit dhe avancimin drejt BE-së.
“Fondi i Ballkanit Perëndimor është si një iniciativë në vetvete, është krijuar për të përafruar njerëzit në rajon ku së bashku gjithë synojmë integrimin evropian. Por ideja është që fondi si fond, vet emri tregon se është krijuar për të financuar projekte të ndryshme, të cilat zakonisht financohet në partneritet me organizata nga rajoni. Për shembull, nëse një projekti që financohet në Kosovë, duhet të ketë edhe dy partnerë tjerë në dy shtete tjera.”
“Deri tani, Fondi ka financuar mbi 100 projekte gjatë pesë viteve të fundit. Ne si fond nuk themi se kemi ekspertizën, e dimë se çka kërkon rajoni. Ne e lëmë rajonin komplet të lirë që të na tregojë se cila është nevoja….Ata na tregojnë se cilat standarde duhet plotësuar (Akteret si DhTIK, Esra, Maqedonia, ekspertet). Kjo e bënë fondin më të veçantë, sepse ne nuk e marrim atë pronësinë mbi projektin. Ne lëmë akteret të informojnë, si fillim rajonin, qeverisjen e vet dhe shoqërinë, komunitetin, se çka duhet realizuar për të na përfaruar sa më afër Unionit Evropian”, thotë Beqiri, transmeton KosovaPress.
Fondi ka skema të ndryshme të granteve
Ajo thotë se Fondi ofron mundësi për financimin e projekteve nëpërmjet disa skemave grantesh, ku përfshihet mbështetje deri në 30 mijë euro për projekte, duke pasur një partneritet të fortë me Ministritë e Punëve të Jashtme të Ballkanit Perëndimor dhe Bashkimin Evropian, raporton KosovaPress.
Beqiri ka përmend gjithashtu se ka skema grantesh për mobilitet individual, që mund të mbështeten deri në 5 mijë euro nga Qeveria e Zvicrës.
DhTIK ka arritur që të vetëdijesojë edhe Qeverinë e Kosovës për disa standarde
Ajo thekson se Fondi nuk ka për qëllim të imponojë projekte, por më shumë të propozojë zgjidhje, duke bashkëpunuar ngushtë me partnerët në rajon për të arritur qëllime të përbashkëta. Siç thotë ajo, ky bashkëpunim ka sjellë përparime të dukshme, siç është vetëdijesimi i Qeverisë së Kosovës për standardet që duhet të përmbushen për të arritur më afër BE-së.
Në fund, Beqiri vlerëson bashkëpunimin e fortë të Fondit me qeveritë e rajonit dhe synon të vazhdojë mbështetje për projekte të reja, duke adresuar çështjet emergjente dhe nevojat që dalin gjatë procesit të implementimit të projekteve, me fokus të veçantë në përmirësimin e kushteve për qytetarët e Ballkanit Perëndimor.
Objektiv tjetër i Fondit është të nxisë bashkëpunimin midis pjesëtarëve, te fuqizojë marrëdhëniet dhe kohezionin rajonal, si dhe te nxisë e promovojë integrimin në Bashkimin Evropian.
Po ashtu fondi është një shembull i angazhimit të Bashkimit Evropian për të ndihmuar rajonin e Ballkanit Perëndimor në përmbushjen e kushteve të integrimit dhe realizimin e potencialeve të tij.
Vendet që bëjnë pjesë në këtë fond janë, Kosova, Shqipëria, Bosnja, Mali i Zi, Maqedonia e Veriut dhe Serbia./Katror.info
Përgatiti:
