Shërbimi Spitalor dhe Klinik Universitar i Kosovës (SHSKUK) ka kryer mbi 16 mijë Rezonanca Magnetike (MRI) gjatë vitit 2024, duke shënuar një rritje të ndjeshme krahasuar me vitin 2023, shkruan Katror.info.
Kjo rritje ka ardhur si rezultat i investimeve në pajisje mjekësore në Qendrën Klinike Universitare të Kosovës (QKUK) dhe në dy spitalet e përgjithshme, atë të Prizrenit dhe të Pejës. Si pasojë, është ulur ndjeshëm edhe lista e pritjes për këtë shërbim.
Sipas SHSKUK-së, në tre aparaturat e Rezonancës Magnetike në QKUK janë kryer mbi 12 mijë ekzaminime, ndërsa në Spitalin e Përgjithshëm të Pejës mbi 2 mijë e 500, dhe në Spitalin e Prizrenit mbi 1 mijë e 500.
Mundesh me e lexu edhe…
Këto investime dhe rritja e kapaciteteve pritet të ndikojnë pozitivisht në përmirësimin e shërbimeve diagnostike për pacientët në të gjithë vendin./Katror.info.
Përgatiti:
