Artisti shqiptar nga Zvicra, Gjon Muharremaj, i njohur me emrin artistik “Gjon’s Tears”, do të rikthehet në skenën e Eurovisionit këtë vit si i ftuar special.
Përmes një postimi në rrjetin social Instagram, Gjoni ka bërë të ditur se është në përgatitje e sipër për një performancë të veçantë, që do të prezantohet gjatë edicionit të sivjetshëm të Eurovisionit. Ai ka ndarë pamje nga provat, duke shtuar entuziazmin e fansave për rikthimin e tij në këtë skenë madhështore.
Eurovision 2025 do të mbahet në qytetin e Basel-it në Zvicër, më 13, 15 dhe 17 maj — një ngjarje historike për vendin mikpritës, që e organizon festivalin për herë të parë pas gati katër dekadash.
Mundesh me e lexu edhe…
Kujtojmë se Gjon’s Tears përfaqësoi Zvicrën në Eurovisionin e vitit 2021 me këngën “Tout l’univers”, duke siguruar vendin e tretë dhe një vlerësim të gjerë ndërkombëtar për zërin dhe interpretimin e tij unik. Kthimi i tij në këtë skenë përkon me një moment të rëndësishëm për Zvicrën dhe pritet të jetë një nga pikat kulmore të spektaklit./Katror.info
Përgatiti:
