Botime të rralla, të cilat rëndom nuk gjenden në biblioteka, janë sjellë të mërkurën në Prishtinë në kuadër edicionit të pestë të Panairit të librit të vjetër dhe të përdorur, shkruan KosovaPress.
Një prej tyre është edhe fjalori i Sami Frashërit – botimi i vitit 1882, tha Berat Dakaj, koordinator i panairit.
Sivjet, ky panair ka gjetur vend në bibliotekën “Hivzi Sulejmani” në Prishtinë.
Mundesh me e lexu edhe…
Kjo ngjarje mbledh koleksionues të librave nga e tërë Kosova, të bëhen bashkë për të ekspozuar libra të vjetër, si dhe për shitjen e tyre.
“Në këtë panair kemi paraqitur edhe disa botime shumë të rralla të cilat nuk i ka as biblioteka Kombëtare e Shqipërisë e as Biblioteka Kombëtare e Kosovës. Është fjalori frëngjisht-osmanisht i Sami Frashërit, botimi i parë i vitit 1882, botimi i tretë i vitit 1901 dhe botimi i katërt i vitit 1905. Gjithashtu prej autorëve shqiptarë kemi paraqitur disa edicione të para të veprave duke filluar nga viti 1918, 1920, 1921, dhe nga autorët e huaj kemi libra që datojnë nga viti 1742”, tha Dakaj.
Të gjithë qytetarët që janë të interesuar mund të vizitojnë ambientet e bibliotekës “Hivzi Sulejmani” për të parë nga afër libra para-shekullorë.
Aty mundësohet dhe blerja e tyre.
Jehona Shyti nga Ministria e Rinisë, Kulturës dhe Sportit, tha se do ta rrisin përkrahjen për këtë panair.
Panairi do jetë i hapur për tri ditë./Katror.info
Përgatiti:
