Për herë të parë në historinë e sportit kosovar, një grua është zgjedhur në krye të një federate sportive. Më 30 janar 2025, në Kuvendin Zgjedhor të Federatës së Notit të Kosovës (FNK), delegatët votuan Rita Zeqiri (ish-notare) si presidente të re të federatës, duke shënuar një moment të rëndësishëm për barazinë gjinore në drejtimin e sportit në vend, shkruan Katror.info.
Kuvendi, i mbajtur në ambientet e Hotel Sirius, u zhvillua në prani të përfaqësuesve nga World Aquatics, Ministrisë së Kulturës, Rinisë dhe Sportit (MKRS) dhe Komitetit Olimpik të Kosovës (KOK). Gjatë tij, u harmonizua statuti i FNK-së me kërkesat ndërkombëtare dhe u zgjodhën strukturat e reja udhëheqëse.
Rita Zeqiri do të drejtojë federatën në mandatin e ri, së bashku me një ekip të përbërë nga dy nën-presidentë dhe anëtarë të bordit, të cilët synojnë të çojnë përpara zhvillimin e notit në Kosovë.
Mundesh me e lexu edhe…
Ky ndryshim vjen në një moment kur përfaqësimi i grave në pozita udhëheqëse në sport po fiton më shumë vëmendje, si pjesë e përpjekjeve për një mjedis më gjithëpërfshirës dhe të barabartë. Me këtë zgjedhje, FNK nis një kapitull të ri, duke synuar progres dhe sukses për sportistët, trajnerët dhe komunitetin e notit në vend./Katror.info
Përgatiti:
