Jamie Mohr i sifdoi mjekët para se të lindte. Atij iu dha një shans prej vetëm 10 për qind të mbijetuar në kohën kur lindi me një peshe prej 680 gramësh. Tash në moshën 4 vjeçare po konsiderohet ai një gjeni.
Nënës së Jamie-t iu tha që placenta e saj ndaloi së punuari në javën e 20-të dhe foshnja nuk po merrte më lëndët ushqyese për t’u rritur. Mjekët e paralajmëruan Lorrain se foshnja nuk do të mbijetonte nëse lindte, prandaj vendosën ta kryenin lindjen në javën e 28-të. Shansi për mbijetesë ishte 10 për qind.
“Më thanë të mos prisja që ai të mbijetonte, por ai vetëm po forcohej dhe 11 javë pas lindjes u kthyem në shtëpi.”
Mundesh me e lexu edhe…
Sot, 4-vjeçari identifikohet si një “mrekulli”. Ai kryen detyra matematikore në gjashtë gjuhë të ndryshme. Një njohës i numrave, ai madje mund t’i llogarit gjërat ushqimore të nënës së tij deri në qindarkë. Lorraine, 38 vjeçarja, oficere e lartë politikash në Glasgow, Skoci, thotë se ai po i tejkalon mësuesit e tij.
Lorraine vuri re se Jamie ishte jashtëzakonisht i zgjuar pak para ditëlindjes së tij të dytë. Ajo filloi të testonte djalin e vogël në shtëpi dhe disa javë më vonë, ai ishte në gjendje të numëronte deri në 50 dhe më pas në 100. Në një rast tjetër Jamie po shikonte një video në YouTube kur personazhi filloi të numëronte në frëngjisht, dhe fill pas tij po numëronte edhe Jamie.
“Nuk mund ta besoja. E testova, hyra në programe të tjera në spanjisht dhe japonisht dhe ai filloi të numëronte gjithashtu në ato gjuhë.”
Tani ai numëron në gjermanisht dhe gjuhën mandarine dhe ka një kujtesë fotografike. Ai është thënë të ketë hiperleksi – një aftësi e avancuar dhe e papritur tek fëmijët për të lexuar dhe deshifruar fjalët shumë përtej moshës së tyre. Ai është thjesht një mrekulli e vogël, veçanërisht pasi i është thënë se ka të ngjarë të ketë një paaftësi të rëndë ose vështirësi në të mësuar. Unë jam thjesht shumë krenare për të. “Ai është plotësisht autodidakt, por tani që e njoh aftësinë e tij, unë e inkurajoj atë.”
Ai rivalizon shumicën e 10-vjeçarëve në aftësinë e tij për të bërë ekuacione dhe tani mund të kryejë detyra me thyesa dhe përqindje.
Jamie pritet të hyjë në shkollë fillore këtë vit, ku ata do të përcaktojnë një kurrikulë të veçantë të pavarur për të.
“Jamie është tepër i qeshur, i artikuluar, i dashur dhe i përulur – dhe nuk është plotësisht i vetëdijshëm që është kaq fantastik. Ai kishte një fillim kaq të vështirë, por u ka treguar të gjithëve që e kishin gabim. Madje për ta çuar atë në një pikë ku mund ta çlironim – kjo ishte mrekulli – por më pas të zbulonim se ai është një nxënës i talentuar? Nuk jam më e befasuar me gjërat që ai mund të bëjë.”
Megjithëse nëna e tij parashikon që djali i saj të shkojë në një fushë STEM, ndoshta duke gjetur një kurë për një sëmundje të tmerrshme, Jamie dëshiron të bëhet pirat kur të rritet 😊./Katror.info
Përgatiti:
