Instituti Kombëtar i Shëndetësisë Publike ka bërë thirrje tek qytetarët të marrin vaksinën kundër gripit sezonal, raporton Katror.info.
IKSHPK, njofton që kjo thirrje vjen si rezultat i rritjes së fluksit të qytetarëve që kërkojnë ndihmë mjekësore në institucionet shëndetësore.
”Gripi sezonal është sëmundje akute infektive e cila te një numër i konsideruar i rasteve shkakton komplikime serioze shëndetësore, veçanërisht te fëmijët, të moshuarit dhe ata me sëmundje kronike, ndërsa vaksinimi është mënyra më e mirë për të parandaluar gripin dhe reduktuar rrezikun”, thuhet në njoftim.
Mundesh me e lexu edhe…
IKPSHK thekson se gripi do të zgjasë edhe disa muaj dhe bën thirrje tek të gjithë qyetarët të vaksinohen si masë parandalimi ndaj gripit sezonal.
”Duke qenë që sezoni i gripit zgjat edhe për disa muaj, IKSHPK u bën thirrje të gjithë qytetarëve pa dallim moshe që të vaksinohen si masë parandaluese, me theks të veçantë grupeve me prioritet si: Punëtorët shëndetësor; Gratë shtatzëna; Personat me sëmundje kronike dhe me imunitet të komprometuar; Personat mbi 65 vjeç; dhe Fëmijët e moshës nga 6 muaj deri në 5 vjeç me indikacione shëndetësore”, theksohet në njoftim.
Insituti njofton që Ministria e Shëndetësisë ka siguruar 85 000 doza të vaksinës për këtë sezon dhe qytetarët mund të vaksiohen në secilën komunë, në qendrën më të afërt të Mjekësisë familjare.
IKSHPK u bën thirrje gjithashtu qytetarëvë që të zbatojnë edhe masa të tjera parandaluese si:
Mbajtjen e higjienës personale;
Evitimin e kontakteve të afërta me individë të sëmurë;
Redukimin e vizitave të familjarëve tek personat e hospitalizuar (SHSKUK, Spitalet rajonale);
Evitimin e vendeve të mbyllura dhe të mbingarkuara me njerëz;
Ushqimin e shëndetshëm me shumë vitamina;
Aktivitet fizik dhe gjumë të mjaftueshëm;
Personat e sëmurë të qëndrojnë në shtëpi .
Konsultimi me mjekun për mjekimin me barna kundër gripit, të cilat duhet të merren vetëm me rekomandimin e mjekut. /Katror.info
Përgatiti:
