Jazz, balet, kinema dhe mbrëmje poezie – Sugjerimet e Suzanne Podcast për këtë javë!

Çka po doni me bo? Keni opsione plot: sot ka super jazz jam session organizum në Mitrovicë me do performues të famshëm Mihail Yossifov, dhe Sheki Hoxha, Ilir Bajri, Armend Xhaferi, Kiril Tufekcievski, Edon Ramadani, Nesim Maxhuni, Visar Kuçi, Tomor Shkoza; Teatri ODA ju fton në premierë te4 shfaqjes ‘Kufiri’, mund ta vizitoni studion e hapun me artista në Galerinë Qahili, ndërsa Dokufesti, Armata dhe kino Jusif Gërvalla simultanisht ju ftojnë me u pregaditë për natën e oskarëve me shfaqje filmash të përzgjedhun që garojnë sivjet.

Edhe për adhuruesit e letërsisë ka diçka: mbramje poetike në Rezidencën 17 dhe lansimi i librit i Robert Wilton, një autor i njoftun edhe në Kosovë, që organizohet në Termokiss.

Në Tiranë mundeni me i pa ‘dy shfaqje baleti në një’ nën siglën ‘Frymë’ te Teatri i Operas dhe Baletit, dhe një ekspozitë të studios Marubi në Galerinë e Artit Tirana.

Krejt në fund, nëse jeni adhurues të Brie, Camembert, Roquefort e Comté, atëhere që të gjitha djathnat franceze i gjeni në ‘Fromager’, shitoren e porsahapur të djathit në Prishtinë.

Me dëgju: Jazz Jam Session / Europe House, Mitrovicë

Festivali i njoftun i jazzit në Mitrovicë, ju fton në jam session-in e parë të vitit 2025—një për një natë dedikum muzikës me do top performues! Ky event i veçantë e sjellë mysafirin e jashtëzakonshëm, Mihail Yossifov, së bashku me shumë miq të nderum dhe muzikantë të mrekullueshëm që veç e kanë konfirmuar pjesëmarrjen e tyre: Sheki Hoxha, Ilir Bajri, Armend Xhaferi, Kiril Tufekcievski, Edon Ramadani, Nesim Maxhuni, Visar Kuçi, Tomor Shkoza, dhe shumë të tjerë që do të konfirmohen. Sipas organizatorëve, “jam session osht një mundësi për të gjithë muzikantët në ngritje dhe për të gjithë adhuruesit e muzikës” m’u përfshi me instrumente të tyne. Kjo mbramje osht sonte në Europe House në ora 19:00.

Me pa: Premiera e shfaqjes ‘Kufiri’ / Teatri ODA, Prishtinë

Teatri ODA ka premierë, shfaqjen “‘Kufini’, shkrume nga Ana Ristoska Trpenoska dhe regjia nga Sovran Nrecaj. Aktorë janë Shpëtim Selmani, Verona Koxha, Blend Sadiku, Kosovare Krasniqi dhe Leart Nrecaj. E ngjarja ka t’bajë me “historinë e një familjeje që rrezikon gjithçka për një të ardhme të pasigurt, e ndërthurun me rrëfime të tjera të frymëzume nga përvoja të vërteta të emigrantëve. Nga policia kufitare te trafikantët, nga media te vetë emigrantët, shfaqja zbërthen realitetet e ndërlikuara të udhëtimeve të migrimit. Premiera osht sonte me 24 shkurt 2025, ora 20:00, por rishfaqet edhe gjatë javës.

Me pa: Zhurma e Artistave / Galeria Qahili, Prishtinë

Zhurma e Artistëve e Galerisë Qahili ka fillu aktivitetin javën e kalume por osht e hapun deri më 14 mars, çdo ditë nga ora 12:00 deri në 18:00. Ky projekt sipas organizatorëve për herë të parë u mbajt në vitin 2013, edhe bashkon artistë nga fusha të ndryshme të artit, tu ju ofru mundësinë me shkëmby ide, diskutu dhe kriju kontakte të reja. Tash formati ka evoluu dhe sivjet Galeria Qahili osht transformu në një atelie të hapur – një rezidencë artistike ku do të mirëpriten artistë nga mediume të ndryshme dhe osht e hapun edhe për artdashësit dhe vizitorët e tjerë. Kështu që lirisht, veq mundeni me pop up.

Me pa: Ekspozita ‘Dinastia Marubi – 100 vite të studios’ / Galeria e Artit, Tiranë

S’di çka kish bo Shqipnia mos me pasë familjën Marubi? Gjithsesi se ish konë shumë ma e errtë dhe e padokumentume fotografikisht. Të enjten me datë 27 shkurt 2025, në Galerinë e Artit të Tiranës në 18:00, hapet ekspozita “DINASTIA MARUBI “Njëqind vite të studios fotografike shqiptare”. Në këtë ekspozitë të veçantë, kanë mu shfaqë imazhe të jashtëzakonshme nga koleksionet e fotografëve të njohur Pietro, Kel dhe Gegë Marubi, imazhe të cilat në vitin 2016 u ekspozuan edhe në Muzeun e Fotografisë të Amsterdamit FOAM. Ky është një moment i veçantë për me shfaqë trashëgiminë e Marubëve, dhe një mundësi e rrallë për mu zhytë në botën e imazheve që kanë dokumentu historinë tonë.

Me pa: Shfaqje filmash Oscars spotlight / Prizren, Prishtinë, Pejë

DokuFest, Kino Armata dhe Kinema Jusuf Gërvalla prezantojnë shfaqje të veçanta të dokumentarëve të nominumë për Oscar, në prag të ceremonisë së ndarjes së çmimeve ku sivjet Kosova nuk morri pjesë hiç për do arsye banale. Nejse, mundeni me i pa filmat e përzgjedhun në Prizren, Prishtinë edhe Pejë edhe me i përjetu këto tregime të fuqishme në ekranin e madh: Me 27 shkurt filmin SUGARCANE që tregon zbulimi i varreve të pashënuara dhe trashëgiminë tragjike të shkollave të indianëve në Kanada. Masnej me 28 Shkurt osht filmi SOUNDTRACK TO A COUP D’ÉTAT për xhazin, politikën e Luftës së Ftohtë dhe luftën për pavarësi në Kongo. Krejt në fund me 1 Mars osht filmi NO OTHER LAND, që mbulon situatën tragjike në Lindje të Mesme.

Me marrë pjesë: Mbrëmje poezie / Rezidenca 17, Prishtinë

Rezidenca 17 ju fton me “festu së bashku fuqinë e poezisë” me lexime të poezive me datën 27.02.2025, në ora 18:00. Bashkohuni për një mbramje poezie, shprehjeje dhe inspirimi. Në këtë mbramje poetike, ku “zana të çdo lloji mund të mblidhen për m’i nda fjalët, mendimet dhe emocionet e tyre.” Sidomos nëse osht hera juaj e parë që ndani poezitë e juaj me të tjerët, kjo është një mundësi për m’i nda ato me të tjerët, një hapësinë e ngrohtë dhe mikpritëse. Sjellni poezitë, tregimet apo edhe tekstet spontane— skena është për ju!

Me lexu & diskutu: Lansimi i romanit “The Sultan’s Emu” / Termokiss, Prishtinë

Robert Wilton nuk osht i panjoftun në Kosovë. Ka qenë diplomat britanez që ka shërby edhe në Kosovë ku e ka mësu shqipen, por tash osht edhe autor librash që jeton dhe vepron në Shqipni e Kosovë. Lansimi i romanit të ri “The Sultan’s Emu”. nga shkrimtari dhe përkthyesi anglo-kosovar, Robert Wilton osht në Termokiss të premten, më 28 shkurt, nga ora 17:30 deri në 19:00. Ky roman letrar, me kontekst historik dhe relevancë bashkëkohore, osht një fabul e hidhun mbi kolonializmin dhe një eksplorim i vetë natyrës së tregiit të rrëfimeve. Ngjarjet zhvillohen në Maroko të vitit 1906, ku mbërritja e papritun e një cirku për me performu para Sulltanit krijon hapësinë për manovra diplomatike dhe ambicie të fshehta – si për të dërguarit evropianë, ashtu edhe për komandantat vendorë. Mirëpo, diçka e pakontrollueshme shpërthen në labirintin e tregjeve të qytetit, duke sjellë kaos, zhgënjim dhe tragjedi. Intriguese? Shkoni në Termokiss dhe disutoni edhe me autorin!

Me përjetu: “Frymë” – Dy shfaqje baleti në një natë, Teatri i Operas dhe Baletit, Tiranë

Dy emra të njoftun të skenës ndërkombëtare në fushën e baletit, Angelin Preljocaj dhe Erion Kruja, sjellin në skenën e Teatrit Kombëtar të Operës dhe Baletit dy balete të veçanta: La Stravaganza dhe Intricate Threads of Humanity. Këto dy vepra artistike janë “një eksplorim i thellë i përvojës njerëzore, ku baleti bëhet gjuha universale që shpreh ndjenjat, kontrastet dhe kompleksitetin e jetës.” Shfaqjet mbahen me 24, 25 dhe 17 shkurt në TKOBA në Tiranë.

Me hangër: Djathnat në shitoren e djathit “Fromager” / Prishtinë

Na te Suzanne hajmë shumë djath. Djath të bardhë, të verdhë, të kaltër, të butë, të fortë, me vo, me venë, me çaj. Kështu qe u gëzum që një shitore e specializume e djathnave osht çelë në Prishtine, me fokus në djathnat e famshëm francez, me një përzgjedhje t’mirë produktesh dhe shërbim t’ngrohtë. Edhe nëse nuk jeni të njoftum shumë për llojnat e djathnave, hiq mos u mërzitni se pronarët janë aty me ju tregu për veçoritë dhe shijet e ndryshme. Çmimet janë te ndryshme, ka ma të lira, ka edhe ma të shtrenjta, por gjithsesi ja vlen pak e e ndreqë kuzhinën e juj me çka do që pëzgjedhni.

Havë a cheesy week!

Marrë nga Suzanne Podcast. /Katror.info