Korporata Energjetike e Kosovës (KEK) ka dhënë një sqarim lidhur me shitjen e tepricave të energjisë elektrike përgjatë muajit dhjetor të 2024-ës.
Sipas KEK-ut, vlera totale e shitjes së tepricave për muajin dhjetor është 100 mijë e 489 euro, transmeton Klankosova.tv.
“Fillimisht, KEK ofron gjithë kapacitetin e energjisë elektrike për konsumatorët universal, përmes kompanisë për distribuim të energjisë elektrike, KESCO, si dhe për KEDS dhe KOSTT për mbulimin e humbjeve në rrjet. Vetëm tepricat e energjisë, të cilat janë në dispozicion për shkak të konsumit të ulët gjatë orëve të natës, shiten përmes bursës shqiptare ALPEX dhe ankandeve publike”, thuhet në njoftimin e KEK-ut.
Mundesh me e lexu edhe…
KEK thotë se ka realizuar shitjen e tepricave të energjisë elektrike si më poshtë:
Gjatë vitit 2024: 645,824 MWh, me çmim mesatar prej 70.84€/MWh, duke realizuar një total shitje prej 45,747,305€.
Gjatë muajit dhjetor 2024: 1,180 MWh, me çmim mesatar prej 85.13€/MËh, duke realizuar një total shitje prej 100,489€.
“KEK thekson se këto të dhëna janë të sakta dhe të bazuara në raportet zyrtare, transparente dhe në përputhje me marrëveshjet kontraktuale me partnerët afarist KEDS/KESCO dhe KOSTT. Çdo përpjekje për të keqinformuar opinionin publik dhe për të paraqitur këto të dhëna në një dritë negative është e pajustifikuar dhe tendencioze. Korporata Energjetike e Kosovës mbetet e angazhuar për ofrimin e energjisë elektrike në mënyrë të qëndrueshme dhe për transparencë në çdo aspekt të operimeve të saj”, thuhet tutje në njoftim.
Sakaq përgjatë muajit dhjetor të vitit të kaluar, shumë qytete të Kosovës u përballën me mungesën e energjisë elektrike.
Rajoni i Ferizajt ishte ndër më të prekurit në Kosovë. Por problemin me rrymë e patën edhe Gjilani, Prizreni e Peja./Katror.info
Përgatiti:
