Kompania Kosovare për Furnizim me Energji Elektrike (KESCO) ka bërë thirrje për kujdes ndaj një mesazhi të rremë që po qarkullon në telefonat e qytetarëve, duke kërkuar pagesa të menjëhershme për faturat e energjisë elektrike, shkruan Katror.info
Sipas KESCO-s, mesazhi me titullin “Njoftim urgjent për pagesë” nuk është dërguar nga kompania, por është një tentativë mashtrimi. Autoritetet e kompanisë kanë sqaruar se të gjitha pagesat duhet të kryhen vetëm përmes kanaleve zyrtare, si aplikacioni eKesco, arkat në qendrat e KESCO-s, platforma eKosova, si dhe përmes bankave dhe institucioneve mikrofinanciare.
“Ju lutemi t’i verifikoni këto SMS që kanë për qëllim mashtrimin dhe të mos kryeni pagesa përmes linkeve të panjohura,” thuhet në njoftimin e KESCO-s.
Mundesh me e lexu edhe…
Mesazhi i rremë pretendon se faturat janë me vonesë dhe kërcënon qytetarët me penalitete, shkëputje të energjisë elektrike dhe nevojën për rilidhje personale, duke ofruar një link të dyshimtë për kryerjen e pagesës.
KESCO i ka ftuar qytetarët të jenë të kujdesshëm dhe të raportojnë çdo tentativë mashtrimi, ndërsa autoritetet pritet të hetojnë rastin për të parandaluar abuzime të mëtejshme./Katror.info
Përmbajtja e plotë e SMS-së:
“NJOFTIM URGJENT PËR PAGESË
Pagesa juaj e energjisë elektrike është ME VONESE! Sipas rregulloreve te Kosoves, nëse nuk paguhet brenda 24 ORËVE:
• Aplikohet penalitet 18%
• Energjia elektrike do të shkëputet
• Kërkohet rilidhje personale
Paguani tani: https://fatura-kesco-energy.life/kos?|21ZcxRËqoëkxG2=i23ezbOvZ
Pa regjistrim – thjesht futni ID-në dhe të dhënat e pagesës”
Përgatiti:
