Në një moment në jetën tuaj, me siguri ju është thënë të gjeni një model. Kjo është një këshillë e tmerrshme, thotë autori bestseller James Clear. Sipas tij në vend të kësaj, ju duhet të përpiqeni t’i gjeni 100 modele për t’i ndjekur.
“Ekziston një grackë shumë e zakonshme në të cilën sigurisht kam rënë shumë herë, ajo është që ti sheh dikë që është i suksesshëm, që po bën atë që shpreson ta bësh ose që ti aspiron ta bësh, dhe më pas mendon, ‘E dini çfarë , Unë do të imitoj atë që ata po bëjnë’”, ka thanë Clear në podkastin “ReThinking” të psikologut organizativ Adam Grant.
Problemi me imitimin e modeleve që ti do t’i ndjekesh është se nuk mund të rikrijosh gjithmonë faktorët e saktë që çuan në suksesin e tyre – nga miqësia me personin e duhur në vendin e punës deri te të jesh me fat që të qëllosh diku në vendin e duhur. Me fjalë të tjera, zgjedhjet dhe veprimet që funksionuan për shembullin tënd të preferuar të biznesit mund të mos funksionojnë për ju. Zgjidhja e qartë: Gjeni një mori modelesh dhe vlerësoni ngjashmëritë midis tyre.
Mundesh me e lexu edhe…
“Ajo që kam mësuar gradualisht të bëj pasi kam bërë shumë gabime, është që ju dëshironi të shikoni 100 njerëz që po bëjnë atë që dëshironi të bëni dhe më pas përpiqeni të gjeni të përbashkëtat ose modelet midis tyre”, ka shtuar tutje ai.
Kjo kërkon që ju të “bëheni një antolog organizativ”, ka thënë në një artikull të Harvard Business Revieë të vitit 2016. Ndërsa identifikoni modele të mundshme për t’u shtuar në listën tuaj, Murphy – i cili mëson për sjelljen organizative, udhëheqjen dhe negocimin – rekomandon të bëni pyetje si:
Si sillen ata?
Çfarë aftësish ju nevojiten për të kryer me sukses rolet e tyre?
Çfarë bëjnë ata që i bën ata lider në fushën e tyre?
Mblidhni një grup të kuruar njerëzish që ju njohin mirë dhe mund t’ju ndihmojnë me këshilla dhe vendimmarrje. Roli i tyre: Zgjeroni rrjetin tuaj dhe “ju prezantoj me mënyra të reja të të menduarit”, tha Tatum.
Disa nga frazat që njerëzit e suksesshëm i shmangin janë:
“Nuk mundem”
Njerëzit e suksesshëm asnjëherë nuk thonë se nuk mund ta bëjnë një punë. Të paktën jo pasi që janë përpjekur disa herë që ta bëjnë atë. Ata i lejojnë sfidat që tu mundësojnë të rriten. Njerëzit e suksesshëm nuk dorëzohen lehtë. Kjo është arsyeja pse zakonisht nuk do t’i dëgjoni duke thënë fjalë të tilla si, “Nuk mund ta bëj” ose “Unë heq dorë”. Lejimi i shefit ose kolegëve tuaj t’i dëgjojë këto, ju bën të dukeni jo të besueshëm, duke mos ju dhënë mundësitë e mundshme që mund të lartësojnë karrierën tuaj.
Dhe kjo nuk është për shkak se ju vërtet nuk mund ta bëni atë – thjesht nuk keni arritur t’i qaseni një sfide në mënyrë proaktive si zgjidhës i problemeve. Mund të jetë e vërtetë që detyra është dërrmuese dhe ju mendoni se nuk mund ta bëni atë, por në të vërtetë nuk e keni ditur kurrë sepse nuk keni provuar asnjëherë. Por, një gjë duhet ta keni parasysh këto mundësi nuk vijnë shpesh.
“Kështu e kam bërë gjithmonë”
Të thuash “kështu e kam bërë gjithmonë” ose “nuk është se si e bëjmë ne kështu” të jep përshtypjen se nuk ndihesh rehat të mësosh gjëra të reja dhe të mendosh jashtë kutisë. Qëndrimi në praktikat e vjetra pa marrë parasysh rrethanat aktuale pengon rritjen tuaj.
Njerëzit e suksesshëm nuk kanë frikë nga ndryshimi – përkundrazi, ata janë kureshtarë dhe entuziastë për përparimet më të reja në kushtet gjithnjë në ndryshim të industrisë në të cilën janë – qoftë biznes, shkencë, art apo politikë.
“Ky nuk është problemi im”
Derisa njerëzit e suksesshëm vlerësojnë punën në grup, ata besojnë se të gjithë janë përgjegjës për njëri-tjetrin. Ata janë gjithmonë të fokusuar në mbështetjen e të tjerëve që të rriten dhe të kenë sukses.
Pra, kur shefi i tyre apo edhe kolegët kanë kërkuar ndihmën e tyre për diçka, një person i suksesshëm do të jetë një lojtar ekipi dhe do t’i ndihmojë ata të përfundojnë detyrën e tyre. Edhe nëse shefi i tyre hedh një ngarkesë të paarsyeshme pune, ata do të përgjigjen pozitivisht, si “cilën nga detyrat e mia aktuale do të donit të shtyja derisa punoj në këtë detyrë të re?” – është fjalia me të cilën përgjigjen ata. Kjo promovon një qëndrim proaktiv në karrierën tuaj duke i dhënë përparësi ngarkesës suaj të punës./ AkademiPune /Katror.info
Përgatiti:
