Sony e prezantoi konsolën në fund të majit, ndërsa fillimi i shitjeve pritet në fund të këtij viti, kur duhet të mësojmë të gjitha detajet rreth pajisjes Project Q.
Pasi thashethemet për një konsolë të re që po përgatitej nga Sony u shfaqën në fillim të këtij viti, kompania japoneze i konfirmoi ato thashetheme në fund të majit. Project Q është emri me të cilin po zhvillohet konsola, presim të dalë në treg në fund të vitit dhe është një pajisje me diagonale të ekranit tetë inç dhe rezolucion prej 1080p.
Duhet theksuar se kjo nuk është një tastierë e pavarur dore në të cilën mund të ekzekutohen lojëra të veçanta (si p.sh. PS Vita), por më tepër një pajisje për transmetim nga PlayStation 5 përmes opsionit Remote Play dhe lidhjes Wi-Fi, shkruan Katror.info.
Mundesh me e lexu edhe…
Sony ka treguar një foto të kësaj pajisjeje, por nuk ka zbuluar shumë. Se si duket hardueri, por edhe vetë ekrani kur pajisja funksionon, e zbuluam këtë javë falë përdoruesit të Twitter @Zuby_Tech, i cili postoi foto dhe një video të pajisjes në veprim në profilin e tij.
Tweetet e tij janë bashkangjitur në tekst dhe sipas komenteve të shkruara më poshtë, shumica nuk janë të emocionuar me atë që mund të shihet.
“Dikush do të pushohet nga puna; Duket shumë keq; Askush nuk do ta blejë këtë”, janë vetëm disa nga komentet e lojtarëve të pakënaqur Videoja dhe fotot zbulojnë një ekran të madh të vendosur brenda një lloj kontrolluesi Dual Sense, dhe në faqën 9to5 Google iu kushtua vëmendje e veçantë softuerit, i cili bazohet në Google Android, megjithëse nuk është ende përfundimtar. /Katror.info
Përgatiti:
