Programi hapësinor i Kinës ka parë përparim të jashtëzakonshëm gjatë viteve të fundit dhe vazhdon të zhvillohet me një ritëm të lartë.
Përveç finalizimit të ndërtimit të stacionit hapësinor Tiangong, Kina ka dërguar rover në Hënë dhe Mars, të gjitha si pjesë e planeve ambicioze që ky vend të bëhet një nga fuqitë më të mëdha hapësinore në botë, e cila një ditë do të jetë në gjendje të dërgon njerëz në sipërfaqen e Hënës dhe në Planetin e Kuq, shkruan Katror.info.
Megjithatë, Kina është vënë nën kritika për operacionet e saj hapësinore pas disa përplasjeve të pakontrolluara të raketave të saj Long March 5B, njëra prej të cilave shkaktoi dëme kur ra në një fshat në Bregun e Fildishtë. Kinezët gjithmonë “mbronin” veten dhe pretendonin se “gjuetia mediatike” ishte pjesë e “fushatës së Perëndimit”. Megjithatë, tani ky vend po zhvillon një sistem parashutash që supozohet se do të lejojë përforcuesit e raketave të ulen në zona të caktuara.
Mundesh me e lexu edhe…
Astronomi dhe astrofizikani Jonathan McDowell tha më parë për Interesting Engineering se rastet e lartpërmendura të raketave që hyjnë në atmosferë janë më të rrezikshme sesa ato që bëjnë vendet e tjera. Ai shtoi se e vlerëson programin hapësinor kinez, i cili shpesh bën gjëra të mira, por duhet ta kritikojë atë për gjëra të këqija. Rënia e pakontrolluar e raketave është padyshim një gjë e keqe. Administratori i agjencisë amerikane të hapësirës NASA, Bill Nelson, më parë tha se Kina nuk ndau informacion në lidhje me trajektoren e raketës Long March 5B që po binte, pavarësisht rrezikut të konsiderueshëm për jetën dhe pronën e njerëzve.
Megjithëse përplasjet e raketave kineze nuk rezultuan në lëndime të njerëzve në Tokë, një pjesë e raketës ra në një fshat në Bregun e Fildishtë në vitin 2020. Spanja mbylli përkohësisht një pjesë të hapësirës së saj ajrore vitin e kaluar, sepse një nga bërthamat e raketave fluturoi mbi vend përpara se të binte në oqean.
Sistemi i ri i parashutës është në zhvillim dhe u testua të premten, më 9 qershor, në raketën Long March-3B (CZ-3B), dhe sipas raportit zyrtar, bëri të mundur ngushtimin e zonës së uljes së raketës për 80 për qind. Ky sistem mund të mundësonte zbritjen e kontrolluar të raketave, si dhe ripërdorimin e pjesëve të tyre. Ky sistem ka një nënsistem elektrik që peshon 30 kg dhe është projektuar që të aktivizohet automatikisht në një lartësi të caktuar, dhe pastaj ta drejtojë përforcuesin në një vend të caktuar për ulje, p.sh. mbi oqean.
Nëse sistemi i ri funksionon, ka të ngjarë që do të duhet pak kohë për t’u integruar me raketat Long March 5. Do të jetë interesante të shihet nëse Kina mund ta arrijë atë përpara se të fillojë të përdorë raketat e saj Long March 5 për të nisur zgjerimin e modulit të planifikuar të Stacionit Hapësinor Tiangong. /Katror.info
Përgatiti:
