Ministria e Planifikimit Hapësinor të Kosovës njoftoi të martën se ka nënshkruar kontrata me vlerë 26 milionë euro (28.5 milionë dollarë) me kompani vendase për zhvillimin e një projekti për banesa sociale në qytetet e Pejës dhe Gjilanit, si dhe në komunat e Podujevës dhe Istogut.
Një konsorcium i përbërë nga kompanitë Froni, Vëllezërit Asllani dhe Aktiv ka nënshkruar një kontratë me vlerë 5.8 milionë euro, ndërsa një bashkim i kompanive ndërtimore Rinesa, ILEAA – GR dhe Limit Project ka fituar një kontratë prej 7.8 milionë euro, bëri të ditur ministria në njoftimin për fituesit e tenderit, shkruan SeeNews.
Një konsorcium mes D&T Group, Osmani Construction dhe zhvilluesit të projekteve ndërtimore Jeton Bakalli ka fituar një kontratë me vlerë 4.9 milionë euro, ndërsa një bashkim i Ada Consulting Group dhe SHM Architecture është shpërblyer me një kontratë prej 5.1 milionë euro.
Mundesh me e lexu edhe…
Kompania ndërtimore R&Rukolli ka fituar një kontratë me vlerë 2.4 milionë euro.
Çdo kontratë i korrespondon një pjese të ndërtesave rezidenciale të planifikuara në kuadër të projektit. Fituesit duhet të përfundojnë punimet ndërtimore brenda tre vjetësh./Katror.info
Përgatiti:
