Kosova ka marrë pjesë me sukses në Kongresin Botëror të Sigurisë së Kufirit, i cili u mbajt në Madrid, ku delegacioni kosovar, i përbërë nga përfaqësues të Ministrisë së Punëve të Brendshme (MPB), Qendrës Kombëtare për Menaxhimin e Kufirit (QKMK), Policisë së Kosovës dhe Doganës së Kosovës, ka përfaqësuar denjësisht Republikën e Kosovës në këtë ngjarje të rëndësishme globale, shkruan Katror.info.
Gjatë këtij kongresi, përveç diskutimeve dhe takimeve të shumta me partnerët ndërkombëtarë, Kosova ka prezantuar modelin e suksesshëm të Njësisë së Informacionit të Pasagjerëve, një mekanizëm kyç në luftën kundër terrorizmit dhe krimeve të tjera që kërcënojnë sigurinë globale.
Përfaqësuesi i Doganës së Kosovës, i deleguar në Qendrën Kombëtare për Menaxhimin e Kufirit, ka paraqitur sistemin e avancuar të Njësisë së Informacionit të Pasagjerëve. Ky sistem, si pjesë integrale e menaxhimit kufitar në Kosovë, ka një rol kyç në identifikimin dhe parandalimin e kërcënimeve që lidhen me terrorizmin dhe krimin e organizuar.
Mundesh me e lexu edhe…
Prezantimi i këtij sistemi në një event kaq të rëndësishëm ndërkombëtar u mirëprit nga pjesëmarrësit dhe u vlerësua si një model efektiv për sigurinë kufitare, duke dëshmuar angazhimin e Kosovës për forcimin e sigurisë dhe bashkëpunimin ndërkombëtar./Katror.info
Përgatiti:
