A e dini se 97% e qytetarëve të Kosovës kanë shtëpitë apo banesat tyre?
Po, e lexuat saktë!
Sipas anketës mbi të ardhurat dhe kushtet e jetesës të publikuar nga Agjencia e Statistikave të Kosovës, 96.7% e ekonomive familjare kanë një shtëpi ose banesë në pronësi të tyre me akt ligjor.
Mundesh me e lexu edhe…
Ndërkohë, vetëm 1% jetojnë me qira, dhe 2.3% janë të akomoduar falas, pra, jetojnë në një shtëpi që nuk është e tyrja, por pa pagesë.
Si qëndron kjo krahasuar me vendet e BE-së?
Në Bashkimin Evropian, vetëm 69.2% e popullsisë kanë shtëpitë e tyre, ndërsa pjesa tjetër, 30.8%, jetojnë me qira. Disa vende kanë një përqindje shumë më të ulët të pronësisë:
Gjermania – 47.6%
Austria – 54.3%
Danimarka – 60%
Kjo do të thotë se më shumë se gjysma e qytetarëve në këto vende nuk kanë një shtëpi në pronësi, por paguajnë qira çdo muaj.
Nga ana tjetër, ka vende në Evropë ku pronësia është shumë e lartë, pothuajse sa në Kosovë:
Rumania – 95.6%
Sllovakia – 93.6%
Kroacia – 91.2%
Pra, Kosova renditet ndër vendet me më shumë pronarë shtëpish në Evropë.
Por si jetojnë qytetarët e Kosovës?
90.4% jetojnë në shtëpi të veçuara, pra, në shtëpi individuale.
2.6% jetojnë në shtëpi të dyfishta, dy banesa të lidhura me njëra-tjetrën.
1.1% jetojnë në ndërtesa me më pak se 10 banesa, ndërsa
5.9% jetojnë në ndërtesa të mëdha me mbi 10 apartamente.
Po sa mund t’i ngrohin këto shtëpi?
Një tjetër fakt interesant: 86.2% e familjeve në Kosovë arrijnë të mbajnë shtëpinë të ngrohtë në mënyrë adekuate. Megjithatë, 13.8% e tyre e kanë të vështirë përballimin e shpenzimeve për ngrohje, një problem që prek shumë familje, veçanërisht gjatë dimrit.
Të jesh pronar shtëpie sjell siguri dhe stabilitet, por sa e përballueshme është të blesh një shtëpi sot? Çmimet e banesave dhe kredisë po rriten andaj edhe për të rinjtë mbetet dilema: A është më mirë të blesh apo të jetosh me qira?/Katror.info
Përgatiti:
