Mundesh me qenë super-kuzhinier/e, besa edhe gurman/e e me provu gjithëçka, veç me ushqim tradicional t’tonin nuk ka. Recetat unike t’gjysheve e pjata e stër-mbushuna prej gjysheve, nuk kanë qysh me u kuptu ndryshe, përpos si gjuhë univerzale e dashnisë t’tyre. E për gjyshet kosovare, kjo vlenë edhe ma tepër sidoms nëse i kujtojmë pitet, leçenikat, krelanat, llokumet e bukët e tyre.
Për ty që ke qejf me gatu ushqime tradicionale, por preferon edhe me i marrë me vehte për pauzë, apo me ua ba gati fëmijëve ushqimin për shkollë – ne e kemi gjetë zgjidhjen perfekte n’4 hapa t’thjeshtë. Bahet fjalë për krelanën me spinaq dhe djathë feta që sa asht tradicionale, aq asht edhe recetë që kurrë nuk bahet bajat – përkundrazi, asht favoritja e shumëkujt prej nesh.
PËRBËRËSIT:
3 ve
2 lugë gjelle miell
1 gotë vaj luledielli
600-700 gr miell misri
500-600 ml kos (jogurt)
1 pluhur për pjekje / pecivë
1 lugë të mesme kripë
250 gr spinaq (i prerë)
1/4 tufë kopër (i prerë imët)
150-200 gr djathë feta (i grimcuar)
HAPI 1:
Nxeje furrën në 200°, 5 minuta para se me fillu përgatitjen e masës. N’nji enë shto vezët, kosin, vajin, kripën e pluhurin për pjekje. Përzije mirë masën me tundësen (telin për përzimje). Shto miellin e bardhë e gradualisht edhe miellin e misrit. Përzije masën deri sa t’njajtësohet.
Mundesh me e lexu edhe…
HAPI 2:
Shto koprin e grirë n’masën e krelanës bashk me djathin feta dhe përzije masën mirë.
- Advertisement -
HAPI 3:
Shtoja masës edhe spinaqin dhe përzije masën mirë.
HAPI 4:
Merre tepsinë e lyje me pak vaj, shto masën edhe pjeke për 30-40 minuta (varësisht se kur e sheh që korja ka marrë ngjyrë t’artë e largoje prej furrës.
- Advertisement -
REZULTATI:
Leje tepsinë e krelanën me u ftohë për nja 20 minuta. Preje n’copa dhe servoje n’pjata bashk me speca e kastraveca t’djegëst turrshi, speca t’fërgum, tomatina t’mbushuna me djathë, kos e patligjona. E ngjashëm ti mundesh me e përgatitë edhe leçenikun klasik me purri, apo krelanën e kallamojt’ t’gjysheve t’tona. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
