Shteti i Lituanisë është duke planifikuar të dërgojë rreth 40 trupa në misionin e NATO-s në Kosovë, pas një kërkese që kanë pranuar nga Gjermania.
Sipas të dhënave të mbrojtjes, Lituania aktualisht ka një pjesëtar të shërbimit të stacionuar në Prishtinë.
“Diskutimet në nivel të institucioneve të mbrojtjes të të dy vendeve kanë përcaktuar se opsioni më i mundshëm për pjesëmarrje të përbashkët në operacionet ndërkombëtare është caktimi i trupave lituaneze në një njësi ushtarake gjermane që merr pjesë në operacionin ndërkombëtar të udhëhequr nga NATO në Kosovë”, thuhet në shënimin shpjegues të ministrisë.
Mundesh me e lexu edhe…
Bashkëpunimi i Kosovës dhe Lituanisë viteve të fundit është fokusuar në fushën e mbrojtjes përmes pjesëmarrjes së Lituanisë në misionin e KFOR-it në Kosovë.
Lituania ka kontribuar me personel ushtarak për të mbështetur stabilitetin dhe sigurinë në rajon.
Përveç kësaj, janë zhvilluar kontakte dhe vizita të ndërsjella midis zyrtarëve të mbrojtjes të të dy vendeve, duke synuar forcimin e marrëdhënieve dhe shkëmbimin e përvojave në sektorin e mbrojtjes.
NATO ka dislokuar rreth 1 mijë ushtarë shtesë në Kosovë në vitin 2023 – prezenca më e madhe e aleancës në 10 vitet e fundit – kryesisht për shkak të paralajmërimeve për mundësinë e përshkallëzimit të tensioneve midis Kosovës dhe Serbisë. Gjithashtu, misioni i KFOR-it ka trefishuar numrin e patrullave përgjatë kufirit Kosovë-Serbi./Albanian Post/Katror.info
Përgatiti:
