N’qoftë se je fans i ambëlsinave me çokollatë, dhe paraprakisht e ke provu recetën klasike t’muffins me çokollatë, dhe nuk dyshojmë që t’ka pëlqy. Megjithatë, receta t’cilën po e ndajmë kësaj radhe me ty asht pikërisht receta e duhur nëse parapëlqen edhe ma shumë çokollatë n’ambëlsinat e tua. Poashtu, jemi t’bindun që përveç që ty si fans/e t’çokollatës, ka me ju pëlqy edhe t’tjerëve t’cilët e kanë fatin me i provu.
Muffins çokollate me ekstra çokollatë asht krejt çka na duhet për me ja ambëlsu vehtës e t’tjerëve shpirtin. Kore sa krokante e sa t’shkrifta sipër kombinohen n’mënyrën ma perfekte me mesin e butë e t’langshëm t’muffins-ave që pos pak mund, nuk t’marrin kohë ma shumë se 25 minuta n’total.
PËRBËRËSIT:
2 ve
125 ml vaj luledielli
150 ml qumësht
100 ml jogurt
250 gr sheqer
400 gr miell
250 gr kakao pluhur
3 lugë pluhur pjekje
1 lugë kripë
100 gr copëza çokollate (chocolate chips)
50 gr sprinkles çokollate
HAPI 1:
Nxeje furrën në 200 gradë para se me fillu me përgatitjen e masës. N’secilën gropë t’tepsisë (tepsi për 12 muffins) shto kallëpat e letrës.
Mundesh me e lexu edhe…
- Advertisement -
HAPI 2:
N’nji enë t’thellë shto vezët edhe përziji me mikser për 1 minut. Shto vajin, qumështin dhe jogurtin. Përzije masën deri sa krejt përbërësit t’bashkohen, mandej shto sheqerin dhe përzije masën derisa t’shpërbahet sheqeri plotësisht. Shto miellin, kakaon, pluhurin për pjekje dhe kripën. Masën përzije derisa mirë edhe sigurohu që brumi mos me mbetë kokrra-kokrra.
- Advertisement -
HAPI 3:
Fillo me i mbushë kallëpët me .dy t’tretat e masës. Shto cipër secilit kallëp copëza dhe sprinkles çokollate. Pjeki muffins-at për 20-25 minuta (nëse e sheh që temperatura asht shumë e naltë, ule temperaturën n’180 gradë), mandej largoje tepsinë prej furrës e leji muffins-at me u ftohë n’temperaturë dhome. Mbas 15 minutave servoji.
REZULTATI:
Këta muffins janë ideal me i shërby edhe për ndonji aheng a ditëlindje, sepse, nuk ke nevojë as me u lodhë me e pre ambëlsirën n’copa e me zhytë enë, por veç ua zgjatë tjerëve (sidomos fëmijëve) n’dorë edhe u kry nji muhabet.
Vehtën e t’rritunit mundesh me i shërby me nga nji muffins e nji kafe, kurse fëmijët shërbeji me nji muffins t’shoqnum me nji gotë qumësht ose kakao. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
