Presidentja e Kosovës, Vjosa Osmani, ka bërë të ditur se shteti i Malajzisë ka vendosur të heqë vizat për qytetarët e Kosovës për qëndrime deri në 30 ditë. Lajmi u bë publik përmes një njoftimi në platformën X, ku Osmani e cilësoi këtë hap si një zhvillim të rëndësishëm në marrëdhëniet mes dy vendeve, shkruan Katror.info.
“Përpara vizitës sime zyrtare në Malajzi javën e ardhshme, jam thellësisht mirënjohëse ndaj autoriteteve malajziane për vendimin e tyre për të dhënë përjashtime nga vizat për të gjithë qytetarët e Republikës së Kosovës për qëndrime deri në 30 ditë,” shkroi Presidentja Osmani.
Ahead of my official visit to Malaysia next week, I am deeply grateful to the Malaysian authorities for their decision to grant visa exemptions for all citizens of the Republic of Kosovo for stays of up to 30 days.
This important step, combined with the forthcoming opening of… pic.twitter.com/xnvHFeZ2JK— Vjosa Osmani (@VjosaOsmaniPRKS) April 25, 2025
Ajo shtoi se kjo masë vjen si pjesë e përgatitjeve për hapjen zyrtare të Ambasadës së Kosovës në Kuala Lumpur, që pritet të ndodhë gjatë vizitës së saj në Malajzi.
Mundesh me e lexu edhe…
“Ky hap i rëndësishëm, i kombinuar me hapjen e ardhshme të Ambasadës sonë në Kuala Lumpur, është një shenjë e qartë se lidhjet midis dy vendeve tona po forcohen çdo ditë,” u shpreh Osmani.
Presidentja ka falënderuar institucionet malajziane për vendimin, duke theksuar angazhimin e Kosovës për të thelluar bashkëpunimin dypalësh dhe për të avancuar interesat e përbashkëta në fusha të ndryshme./Katror.info
Përgatiti:
