Dita e Tokës 2025 shënohet sot, më 22 prill, me moton: “Fuqia jonë, Planeti ynë.” Tema e këtij viti thekson fuqinë kolektive të komuniteteve, individëve dhe kombeve për të mbrojtur dhe rikthyer planetin përmes zgjidhjeve të qëndrueshme dhe konkrete.
Vëmendja është përqendruar në trefishimin e prodhimit të energjisë së rinovueshme deri në vitin 2030, si dhe në promovimin e një kalimi të shpejtë drejt burimeve të pastra të energjisë si: dielli, era, hidrocentralet, energjia baticore dhe ajo gjeotermale.
Dita e Tokës u festua për herë të parë në vitin 1970 si një lëvizje e vogël mjedisore, e cila më vonë u kthye në një thirrje globale për veprim, duke frymëzuar miliona njerëz që të ndërmarrin hapa – të vegjël e të mëdhenj – për të mbrojtur bukurinë dhe pasuritë natyrore të Tokës.
Mundesh me e lexu edhe…
Qëllimi i kësaj dite është të nxisë individët, organizatat dhe qeveritë që të bashkëpunojnë për një të ardhme më të qëndrueshme. Me mbi 1 miliard njerëz në 192 vende që pritet të marrin pjesë, kjo ngjarje përfaqëson një pikë kyçe në përpjekjet e vazhdueshme për të adresuar sfidat mjedisore dhe për të promovuar praktika miqësore ndaj natyrës.
Thënie që frymëzojnë ndryshim
“Ne jemi gjenerata e parë që ndjejmë pasojat e ndryshimeve klimatike dhe gjenerata e fundit që mund të bëjë diçka për to.”
— Barack Obama
“Natyra na jep gjithmonë sinjale. I përsërit herë pas here. Dhe një ditë, ne i marrim vesh.”
— Robert Frost
“Toka ofron mjaftueshëm për nevojat e çdo njeriu, por jo për lakminë e çdo njeriu.”
— Mahatma Gandhi
“Ndjej zemërim vetëm kur shoh shpenzim dhe hedhje të gjërave. Kur shoh njerëz që hedhin gjëra që mund të përdoreshin.”
— Nënë Tereza
“Ai që mbjell pemë, do të mirën jo vetëm për veten, por edhe për të tjerët.”
— Thomas Fuller
“Për mua, një shtresë pishe apo bar i butë është më e mirëseardhur se qilimi më luksoz persian.”
— Helen Keller
“Pasuria e një kombi është ajri, uji, toka, pyjet, mineralet, lumenjtë, liqenet, oqeanet, bukuritë natyrore, habitatet e faunës dhe biodiversiteti.”
— Gaylord Nelson
“Shiko thellë në natyrë, dhe do të kuptosh gjithçka më mirë.”
— Albert Einstein
“Kërcënimi më i madh për planetin tonë është besimi se dikush tjetër do ta shpëtojë.”
— Robert Swan
“Është përgjegjësi jonë kolektive dhe individuale të ruajmë dhe kujdesemi për botën ku jetojmë.”
— Dalai Lama
“Për ta lënë botën më të mirë se si e gjete, ndonjëherë duhet të mbledhësh edhe mbeturinat e të tjerëve.”
— Bill Nye
“Po jetojmë në këtë planet sikur të kishim një tjetër ku të shkonim.”
— Terri Swearingen
/Katror.info
Përgatiti:
