Kur flasim për ushqimet tona t’preferume, n’shumë situata përmendim ushqime tradicionale, por edhe ushqime që origjinën e kanë turke. E nëse veç për diçka mundemi me ra dakord asht, që nime kuizina turke pos laryshi, ofron edhe shumë shije t’veçanta, por edhe familjare me kuzhinën ballkanike, përfshirë edhe atë shqiptare.
Menemen asht versioni turk i vezëve t’përsiera e t’kombinume me perime e sos domatesh, kombinim që secili ish dashtë me e provu t’paktën nji herë n’jetë. Ideale për nji mëngjes plot ushqyeshmëri e shije, kjo pjatë lehtësisht përgatitet duke i ndjekë veç 5 hapa t’thjeshtë.
PËRBËRËSIT:
2 lugë gjelle vaj ullini
1 qepë (e grirë)
1 spec paprike (i grirë)
1 lugë e mesme oregano
1 lugë çaji biber i kuq
1 e 1/2 gotë sos domatesh (me copëza brenda)
Kripë dhe biber i zi (Opsionale)
4 ve (t’rrahuna)
1 grusht magdanoz i freskët (i imtësum)
80 gr djathë feta (i imtësum)
Mundesh me e lexu edhe…
HAPI 1:
Shto n’tigan t’thellë e t’nxehtë vajin e ullinit, qepën, erëzat dhe specin. Kavërdisi ato për 3-4 minuta.
HAPI 2:
Shto sosin me copëza domatesh, përzije masën mirë dhe kavërdisi përbërësit për 3-4 minuta.
HAPI 3:
Shto vezët e rrahuna sipër perimeve e sosit t’domateve me kujdes dhe pak e nga pak.
HAPI 4:
Për 4 minuta përzije vazhdimisht masën me lugë druri dhe lejo që krejt vezët me u përzi mirë me perimet dhe sosin.
HAPI 5:
Shto sipër magdanozin e imtësum dhe djathin feta. Largo tiganin dhe servo.
REZULTATI:
Servoje menemenin me bukë t’çfarëdoshme, petë apo pitalka. Për ekstra shije shoqnoje këtë pjatë mëngjesi edhe me kastraveca t’djegëst turrshi n’qoftë se ke merak n’ushqim pikant, ose shoqnoje me 1 prej 4 smoothie-ve me dardhë.
E nëse je n’kërkim t’recetave unike e ndryshe t’mëngjeseve, mos e le pa i provu edhe këto dy versione t’recetave me ve: Fritatta-n mediterane dhe Fritatta-n me spinaq dhe tomatina. Ti poashtu mundesh me nisë mëngjesin me 1 prej 3 rekomandimeve t’tona për mëngjes t’mirë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
