Presidenti i SHBA-së, Joe Biden është gati t’i dorëzojë Lionel Messit Medaljen Presidenciale të Lirisë, çmimi më i lartë civil i Amerikës, ka konfirmuar Shtëpia e Bardhë.
Ndikimi i superyllit argjentinas në futbollin botëror në dy dekadat e fundit ka qenë i pakrahasueshëm.
Pasi pushtoi Evropën me Barcelonën dhe Paris Saint-Germain, 37-vjeçari u transferua te Inter Miami në verën e vitit 2023. Ai e ka dominuar MLS-në deri tani, duke ndihmuar Heronët të fitojnë dy trofe.
Mundesh me e lexu edhe…
Në një komunikatë të fundit, Shtëpia e Bardhë zbuloi se 19 persona do të nderohen nga Presidenti Biden.
“Presidenti Biden beson se liderët e mëdhenj e mbajnë besimin, i japin të gjithëve një mundësi të drejtë dhe e vënë mirësjelljen mbi gjithçka tjetër. Këta nëntëmbëdhjetë amerikanë janë udhëheqës të mëdhenj që e kanë bërë Amerikën një vend më të mirë. Ata janë liderë të mëdhenj sepse janë njerëz të mirë që kanë dhënë kontribute të jashtëzakonshme për vendin e tyre dhe botën”, thuhet në deklaratë.
Ndërsa Lionel Messi ka qenë i jashtëzakonshëm në fushë për Inter Miamin, deklarata shton se çmimi është për punën e tij jashtë fushës.
“Ai mbështet programet e kujdesit shëndetësor dhe edukimit për fëmijët në mbarë botën përmes Fondacionit Leo Messi dhe shërben si ambasador i vullnetit të mirë të UNICEF-it”, thuhet më tej.
Përveç La Pulgas, legjenda e basketbollit amerikan Magic Johnson do të shpërblehet edhe me Medaljen Presidenciale të Lirisë. /Katror.info
Përgatiti:
