Ministria e Industrisë, Ndërmarrësisë dhe Tregtisë (MINT), përmes Agjencisë për Investime dhe Përkrahjen e Ndërmarrjeve në Kosovë (KIESA), ka nënshkruar marrëveshjen për skemën e granteve për dixhitalizim, e cila ka si qëllim mbështetje për biznese në krijimin e një kulture të re të digjitalizimit. Marrëveshja bashkëfinancimi është në fazën e dytë, ku përfituese janë 29 biznese, ndërsa vlera e kësaj faze është rreth 100 mijë euro, shkruan Katror.info.
Ministrja e Industrisë, Ndërmarrësisë dhe Tregtisë, Rozeta Hajdari, theksoi se qëllimi kryesor i kësaj nisme është krijimi i një kulture të re të digjitalizimit dhe fuqizimi i ekonomisë vendëse. Ajo u shpreh se kjo thirrje për grante ka për qëllim mbështetje për ndërmarrjet e vogla dhe të mesme, duke i mundësuar atyre të integrohen më lehtë në tregun ndërkombëtar.
“Thirrja e granteve për digjitalizim është shpallur nga Ministria e Industrisë, Ndërmarrësisë dhe Tregtisë dhe ka për qëllim mbështetjen e ndërmarrjeve të vogla dhe të mesme në krijimin e një kulture të re të digjitalizimit që do të fuqizojë ekonominë dhe do të hap dyert e konkurrueshmërisë më të madhe për bizneset tona. Falë kësaj skeme, bizneset do të kenë mundësi të përfitojnë shërbime të avancuara në fushën e marketingut digjital, tregtisë elektronike dhe platformave të shitjeve online, e të tjera”, tha Hajdari.
Mundesh me e lexu edhe…
Ministrja e konsideroi këtë projekt një shembull të shkëlqyer të bashkëpunimit ndërmjet institucioneve vendore dhe partnerëve ndërkombëtarë, duke e veçuar bashkëpunimin me Austrinë si një faktor kyç në zhvillimin e sektorit privat në Kosovë. “Bashkëpunimi me Austrinë dëshmon se partneritetet strategjike do të sjellin ndryshime konkrete dhe të prekshme në ekonominë e vendit tonë”, përfundoi Hajdari./Katror.info
Përgatiti:
