Vallah po shkojnë javët? Qe edhe një Monday Marks me plot ngjarje me ja u mbush kalendarin me muzikë, art, libra e revista, pak modë dhe… kërpurdha?!
Ma s’pari e keni edicionin e ri të Jump&Bazz me DJ Rakim Under në Gran Hotel; në Galeria 17 vjen një performancë nga grupi Total Refusal me titull “Permanent Raging Presence”; Armata në bashkëpunim me Dokufest e shfaqin filmin“The Eternal Memory”; në Defy Them e keni edicionin e 12-të të Jazz Catz me misafire të veçantë Rona Nishliu; Dyvolab ka me hapë një hapsinë kreative me muzikë dhe festë.
Me lexu e me diskutu i keni dy rekomandime: lansimin e revistës londineze “Balkanist” në hapësinen Sekhmet, ku marrin pjesë edhe redaktorët e kësaj reviste dedikume kulturës së Ballkanit, ndërsa në Reporting House lansohet libri “Rezistenca: Gratë e paqes dhe të drejtësisë në ish-Jugosllavi dhe Shqipëri”.
Mundesh me e lexu edhe…
Krejt në fund, ju rekomandojmë bizhuteritë e bukura të brendit Vesë, nga Vesa Gashi, një çike kreative e Prishtinës e rame në Nju Jork, e për me hangër po ju propozojmë këpurdhat e shijshme morel (bon në pasta) qe po i shesin në një katund në Klinë!
Me kcy: Jump&Bazz, Hotel Grand, Prishtinë
Erdh Jump&Bazz prape në shehër! DJ Rakim Under, emni i vërtetë i të cilit osht Karim Sanchez, osht një DJ dhe producent me origjinë kiliane. Ai o rrit në Memphis dhe Spanjë po aktualisht jeton në Londër. Stili i tij muzikor osht koeha i larmishëm dhe nuk kufizohet në zhanre dhe ndarje specifike kur lëshon muzike të përzgjedhun nga koleksioni i tij i pasun i pllakave, për me kriju sete unike dhe energjike. J&B ka edhe program tjetër të pasun me Almarin b2b Rinor, shoqninë tonë Besa Mati, Likatek, Zoga dhe Der. Krejt këta kanë mu kanë në Sallën e Kuqe të Grandit me 5 prill!
Me pa: Ekspozita “Permanent Raging Presence” nga Total Refusal / Galeria 17
Galeria 17 po e sjell një performancë/instalacion nga një grup koxha aktiv me idologji koxha specifike. Sipas organizatorëve “Guerrilja pseudo-marksiste mediatike Total Refusal osht një kolektiv artistësh, studiuesish dhe regjisorësh që ripërdorin burimet e video-lojnave për me kriju narrativa politike në formën e videove, intervenimeve, performancave dhe ligjëratave. Temat e kolektivit janë të ndikume nga studimet kritike të lojnave (game theory medemek) dhe teoritë sociale, në përpjekje për me promovu dhe popullarizuar një të majtë kundër-hegjemonike.” Kështu që nëse keni kef me këqyr what is this all about, hapjën e keni me 3 prill.
Me dëgju: Koncert i Filharmonisë së Kosovës dedikum Phillip Glass / Atelieja e Pallatit të Rinisë, Prishtinë
Bohuni gati për një mbramje të jashtëzakonshme me Orkestrën e Filharmonisë së Kosovës, me një natë dedikume muzikës së kompozitorit ikonik Philip Glass! Nën drejtimin e Gregory Charette, orkestra ka me ju qu në një udhëtim përmes veprave më ikonike të Glassit, tu fillu me Koncert për Violinë Nr. 2 – “American Four Seasons”, me violinistin e shkëlqyer Maximilian Haft. Derisa mbramja ka me vazhdu me Simfoninë Nr. 1 – “Low”, të frymëzuar nga albumi legjendar “Low” i David Bowie, i vitit 1977. Koncerti mbahet me 05 prill nga ora 19:30.
Me pa: Filmi “The Eternal Memory” / Kino Armata, Prishtinë
Sot në Armatë keni një film interesat prej orës 7. Filmi në fjalë osht “The Eternal Memory” me regjisore Maite Alberdi që shfaqet në bashkëpunim me Dokufest, në kuadër të një serie mujore filmash që prezantohen çdo të hanë të fundit të muajit. Ngjarja? Çifti kilian, Augusto dhe Paulina, kanë qenë së bashku për 25 vjet, por Augusto u diagnostiku me sëmundjen e Alzheimerit tetë vjet më parë. Të dy tuten nga dita kur ai nuk ka me njoftë ma Paulinën. Dokumentim i një rrugëtimi jo fort të lehtë.
Me dëgju: Prishtina Jazz Cats me Rona Nishliu Quartet / Defythem, Prishtinë
Na e kemi nderin me tregu që Prishtina Jazz Catz e ka nderin me mirëprit Kuartetin e Rona Nishliut, si mysafirë specialë për hapjen e mbramjes së 12-të të këtij jazz projekti. Ky jam-session promovon artistat vendorë dhe ndërkombëtarë tu lujt materiale origjinale, ndërsa një aspekt shumë i randësishëm i këtij eventi gjithmonë ka qenë edhe zbulimi i talenteve të rinj muzikorë në jazz. Kuarteti i shoqës tonë Rona Nishliut ka arritë një nivel mjeshtëror në riaranzhimin dhe kompozimin në stilin etno-jazz, tu krijuar një qasje unike dhe të rafinume ndaj muzikës shqipe. Me 1 prill prej orës 20:00 e tutje, në qendrën kulturore Defy Them.
Me lexu & diskutu: Lansimi i revistës “Balkanism” / Sekhmet, Prishtinë
Do muaj ma heret ju kemi shkru për revistën “Balkanism” të botume në Londër. Numri i parë ka dalë diku në tetor, por tani po promovohet në Prishtinë, ne hapësinën Sekhmet. Revista ka tema diverse nga Balkani divers, me dizajn të bukur dhe editim t’mirë. Në Prishtinë vijnë edhe themeluesi dhe redaktori kosovar Arbër Qerka-Gashi, së bashku me dizajneren dhe kontribuesen e platformës, Verica Petrović. Së bashku kanë me folë për procesin e krijimit të revistës, për vlerat që qëndrojnë pas projektit, dhe për rolin e perspektivave queer dhe të diasporës në formësimin e një kuptimi të ri të identitetit ballkanik. Promovimi mbahet me 2 prill, 18:00, Sekhmet në Prishtinë.
Mu inspiru: Hapja e hapsinës DyvoLab / Dyvolab, Prishtinë
Për Dyvó kemi shkru edhe ma heret, se na pëlqen brendi i tyne i rikrijimit të elementeve të modës nga materialet e përdorta, por tash po e hapin një kapitull të ri me hapësinë dhe program të ri. Me 2 prill, nga ora 19:00, Dyvolab ju ftojnë me i vizitu dhe me u njoftu me punën e tyne dhe misionin e tyne, që osht “me kthy Kosovën në një qendër kreative për ripërdorimin e plastikës. Mbi t’gjitha nuk bëhet fjalë vetëm për ne, mirëpo për me e ndërtu një komunitet ma të fortë dhe ma të lidhur që e kanë pasion krijimtarinë, qëndrueshmërinë dhe inovacionin.” Dyvolab mundet mu përdor edhe si hapësinë e përbashkët kreative (HPK) me plot ngjarje frymëzuse: Punëtoritë e Mbiciklimit (Upcycling), Ditët e Hapura të HPK-së, Maratonat e Dizajnit & më shumë.
Mu zbukuru: Bizhuteritë Vesë / Online (NYC)
Vesa Gashi osht e njoftun për menaxhment eventesh (dasmën e Arlindës nga Suzanne psh.) me plot shije, elegancë dhe detaje estetike. Kështu që diku kah periudha e COVID-it, Vesa ka vendosë me lëviz prej eventeve të shkëmbimit të unazave, në prodhim të unazave, dhe natyrisht bizhuterisë tjetër. Në faqen e vet që ju shërben kudo që të jeni në botë, ka plot sende të bukura, të lehta si visa shiu, të bukura si fjolla bore, sexy si puthje skaj buzëve. Nuk janë të shtrenjta, kështu që këtë sezon të festivaleve, partyve, eventeve, darsmave, kqyreni brandin Vesë si opsion për pak detaje engjëllore. Se e dini, dreqi osht n’detaje 🙂
Me hanger: Kërpurdha morel të Kosovës / Euromushrooms, Klinë
Kërpudhat morel (ose siç njihen në gjuhën shkencore Morchella) janë kërpudha të egra dhe shumë të çmushme për shijen e tyre të veçantë. Ato rriten zakonisht në pranverë dhe gjenden në pyje, veçanërisht pranë pemëve të rrëzume ose tokave të djeguna. Dallohen lehtësisht nga pamja e tyre karakteristike me kapelë të çarë, që ngjan me një rrjetë ose huall mjalti. Në Kosovë kërpudhat morel janë të njohura në disa zona malore dhe konsiderohen një delikatesë në gatime tradicionale dhe moderne. Eeeh, nëse doni me hangër këto këpurdha, tash kompania Euromushrooms po i kultivon të fresktëta dikun në Klinë. Recepti ma i thjeshtë osht me pak jufka ose tagliatele me sos nga këpurdhat morel, të zime me sos që ka pak gjalpë, hudra dhe magdanoz. Ufff. Untë jemi.
Marrë nga Suzzane Podcasts.
Përgatiti:
