Baleti Kombëtar i Kosovës do të shfaqë sot, më 04.02.2025, premierën e baletit “Hope”.
Shfaqja do të jepet në ora 19:30, në Atelienë e Pallatit të Rinisë dhe Sportit në Prishtinë.
Kjo shfaqje do të jepet në kuadër të 4 shkurtit – Ditës Botërore Kundër Kancerit, shkruan Kallxo.com.
Mundesh me e lexu edhe…
“’Hope’ është një udhëtim emocional që trajton sfidën më të madhe të jetës, përballjen me një sëmundje të rëndë dhe luftën për të ruajtur shpresën. Duke eksploruar kufijtë e forcës njerëzore, dashurisë dhe solidaritetit, baleti na fton të ndjekim një histori që fillon në një moment të brishtë dhe të pasigurt, por që përfundon me triumfin e shpirtit njerëzor.” – thuhet në njoftimin e BKK-së.
Dita Botërore Kundër Kancerit është një ngjarje globale dhe shënohet çdo 4 shkurt, me qëllim që të rrisë ndërgjegjësimin për kancerin dhe për të inkurajuar parandalimin, zbulimin e hershëm dhe mjekimin e tij./Katror.info
Përgatiti:
