Në Qendrën e Numërimit dhe Rezultateve, është duke vazhduar numërimi i votave me postë.
Lidhur me këto vota ka mbajtur konferencë zëdhënësi i Komisionit Qendror të Zgjedhjeve Valmir Elezi i cili tha se ditën e martë pritet të përfundojnë numërimin e gjitha fletëvotimeve që i takojnë votimit me postë, raporton KosovaPress.
“Deri ditën e martë do të arrijmë të përmbyllim numërimin e gjitha fletëvotimeve që i takojnë votimit me postë dhe pas kësaj do të fillojmë numërimin e fletëvotimeve që i takojnë votimit me kusht i cili është zhvilluar në 56 vendvotime me datën 9 shkurt si dhe pastaj numërimin e votave të personave me nevoja të veçanta. Pasi të mbyllen gjitha këto procese si dhe pasi të marrim konfirmimin nga ana e PZAP-së dhe Gjykatës Supreme se nuk ka ndonjë çështje që është duke u shqyrtuar në këto institucione atë herë KQZ do të mund të shpall rezultatin përfundimtar për subjektet politike dhe kandidatët e këtyre zgjedhjeve”, tha Elezi.
Mundesh me e lexu edhe…
Elezi shtoi se çdo numërim që bëhet në QNR është i ankimueshëm dhe kjo do të thotë që vëzhguesit, subjektet politike mund të paraqesin ankesat e tyre për çdo administrim dhe për çdo numërim që zhvillohet në QNR.
Sipas përditësimit të fundit në faqen e Komisionit Qendror të Zgjedhjeve, deri më 3 mars ora 00:54 janë numëruar 124 kuti të votimit nga 187 sa janë apo 66.31 për qind, përcjell KosovaPress.
Ndërkaq, kujtojmë se 124 vendvotime nga gjithsej 187 sa janë në total apo 66.31 për qind nga votat me postë janë numëruar deri në mëngjesin e së hënës.
Nga numërimi i këtyre votave, me 52.72 për qind të tyre prin Lëvizja Vetëvendosje. Lidhja Demokratike e Kosovës është e dyta me 29.80 për qind, pasuar nga Partia Demokratike e Kosovës me 7.98 për qind.
Aktualisht Lëvizja Vetëvendosje është afër sigurimit të 49 mandateve e mund të shkojë edhe në 50 nëse fiton rreth 70 për qind të votave me postë.
Numërimi i votave të hedhura nëpër përfaqësi diplomatike ka përfunduar para pak ditësh, teksa për numërim kanë mbetur votat e dërguara me postë, pastaj ato me kusht dhe votat e personave me nevoja të veçanta./Katror.info
Përgatiti:
