Zyrtarë ukrainas dhe amerikanë kanë nisur bisedimet në Jeddah, Arabinë Saudite, për të gjetur një rrugë drejt përfundimit të luftës me Rusinë, disa orë pas sulmit më të madh me dronë të Ukrainës ndaj Moskës deri më tani, shkruan Reuters, transmeton Katror.info.
Presidenti Volodymyr Zelenskiy shpreson që bisedimet në Xhedah do të rigjallërojnë marrëdhëniet “pragmatike” me SHBA-në pas takimit të tij të vështirë me Presidentin Donald Trump muajin e kaluar.
Ai ka propozuar një armëpushim fillestar me Rusinë në ajër dhe në det, duke synuar të tregojë se po punon drejt objektivit të Trump për t’i dhënë fund luftës me shpejtësi. Gjithashtu temë pritet të jetë nënshkrimi i marrëveshjes për mineralet e rralla nga të dy palët.
Mundesh me e lexu edhe…
Shtetet e Bashkuara, aleati kryesor i Ukrainës që nga pushtimi i vitit 2022, kanë ndryshuar politikën e tyre ndaj luftës dhe kanë shtuar presionin mbi Ukrainën, duke ndalur ndihmën ushtarake dhe duke pezulluar ndarjen e inteligjencës me Kievin.
Në prag të bisedimeve, Ukraina nisi sulmin më të madh me dronë ndaj Moskës deri më tani, duke përdorur të paktën 91 dronë, duke vrarë të paktën një person, shkaktuar zjarre, mbyllur aeroporte dhe detyruar dhjetëra fluturime të devijohen, sipas zyrtarëve rusë./Katror.info
Përgatiti:
