Ministri i Financave Hekuran Murati u ka bërë apel familjarëve të cilat kanë aplikuar në programin e subvencionimit të tarifave të energjisë elektrike për familjet e cenueshme, që në formularin e aplikimit të shtojnë të gjithë anëtarët e familjes.
“Një numër i caktuar i aplikimeve që kemi pranuar, janë familje me vetëm 1 anëtar, që nënkupton se kryefamiljari që ka aplikuar ka harruar të shtojë anëtarët e tjerë të familjes, gjatë plotësimit të formularit.Meqenëse lartësia e subvencionit përcaktohet edhe nga numri i anëtarëve të familjes, është e rëndësishme që në formularin e aplikimit të shtohen të gjithë anëtarët me të cilët banoni aktualisht. Të gjithë ata që kanë harruar të shtojnë anëtarët tjerë të familjes, e kanë mundësinë që t’a përmirësojnë këtë duke përditësuar aplikimin e tyre në eKosova. Për t’u marrë parasysh në muajin vijues, përditësimi duhet të bëhet më së largu me 30 nëntor 2024. “, thuhet në njoftim./21Media/Katror.info
Përgatiti:
