Më 15 prill 2025, duke filluar nga ora 19:30, qyteti i Prizrenit do të jetë nikoqir i një mbrëmjeje të veçantë muzikore në hapësirën kulturore Autostrada Hangar, ku Orkestra Frymore e Filharmonisë së Kosovës do të mbajë koncert nën dirigjimin e maestros Dario Salvi.
Publiku do të ketë rastin të shijojë interpretimin e veçantë të violoçelistit të njohur ndërkombëtarisht, Konstantin Manaev, i cili do të sjellë Koncertin për violonçel dhe orkestër frymore nga kompozitori austriak Friedrich Gulda – një vepër që ndërthur mjeshtërisht elemente të muzikës klasike me nuanca të xhazit dhe rock-ut.
Në program përfshihen gjithashtu vepra nga kompozitori gjerman Peter Josef von Lindpaintner me uverturën “Joko”, kompozitori francez Adolphe Adam me uverturën “Mbreti i Yvetot-it” si dhe kompozitori britanik Ralph Vaughan Williams me Suitën me këngë popullore angleze.
Mundesh me e lexu edhe…
Ky koncert përfaqëson një mundësi unike për të përjetuar një natë të pasur muzikore në zemër të Prizrenit dhe për të dëgjuar nga afër interpretimin e disa prej veprave më të bukura të repertorit orkestral evropian. Biletat janë falas dhe mund të rezervohen paraprakisht në linkun: https://bit.ly/4jnOvOR.
/Katror.info
Përgatiti:
