Misioni i OSBE-së në Kosovë ka hapur aplikimet për edicionin e katërt të programit EmPOWER për Gratë Politikane, një iniciativë e dedikuar për mbështetjen e grave që synojnë të rrisin ndikimin e tyre në pushtetin lokal, shkruan Katror.info.
Programi synon të fuqizojë gratë me aftësitë dhe njohuritë e nevojshme për të konkurruar me sukses në zgjedhjet e ardhshme komunale.
Sipas OSCE Mission in Kosovo, edicioni i sivjetmë do të fokusohet kryesisht në përgatitjen për zgjedhje, duke ofruar trajnime praktike dhe mbështetje për rritjen e rolit të grave në udhëheqjen komunale.
Mundesh me e lexu edhe…
Programi ofron 30 vende të lira, ndërsa aplikimet janë të hapura deri më 16 mars 2025, ora 23:59.
Ky program përfaqëson një mundësi për gratë lidere të angazhohen më aktivisht në proceset vendimmarrëse dhe të kontribuojnë në ndryshimet politike në nivel lokal. Për më shumë informacion dhe aplikime, të interesuarat mund të vizitojnë uebfaqen zyrtare të OSBE-së: OSCE Mission in Kosovo.
/Katror.info
Përgatiti:
