Në një intervistë për Mario Nawfalin, Presidentja e Kosovës Vjosa Osmani ka theksuar se pavarësia e Kosovës ka qenë rezultat i së drejtës së popullit për vetëvendosje dhe si rrjedhojë e një regjimi shtypës dhe kriminal të udhëhequr nga Sllobodan Millosheviq.
Tek ka komentuar qasjen që presidenti amerikan, Donald Trump, ka pasur në raport me partnerët evropianë dhe kritikat ndaj tyre, presidentja Osmani ka thënë se SHBA-ja për shkak të kontributit historik për lirinë e Evropës, ka të drejtë që të flasë për çështjet që beson se prekin vlerat në të cilat ajo beson.
🚨🇽🇰EXCLUSIVE INTERVIEW – KOSOVO PRESIDENT: “WE’RE THE MOST PRO-AMERICAN COUNTRY ON EARTH!”
Statues of Bill Clinton. Streets named after him. And 97% of the country backing the U.S.—whether it’s a Democrat or Republican in power.
Kosovo’s President @VjosaOsmaniPRKS opens up in… https://t.co/V5pfn4oaBj pic.twitter.com/S9nxEQVMW1— Mario Nawfal (@MarioNawfal) April 8, 2025
“Prandaj unë nuk mendoj se si fjalimi i zëvendëspresidentit JD Vance apo deklaratat nga presidenti Trump janë duke rrezikuar në ndonjë mënyrë Evropën. Madje e kundërta. Është thirrje zgjimi për Evropën që të nisë të punojë më shumë në kapacitete e mbrojtjes dhe në këtë mënyrë të mbrojë interesin e vet. Nuk mendoj se në afatgjatë, raportet mes Evropës dhe SHBA-së janë në rrezik. Thjesht presidenti Trumpi ka mënyrë më të ndryshme të kryerjes së punëve. Qasje tjetër në zgjidhjen e problemeve. Dhe nganjëherë kjo po del të jetë më e suksesshme sesa ajo që kemi parë në të kaluarën”, ka thënë ajo.
Mundesh me e lexu edhe…
Osmani ka shprehur bindjen se Trumpi do ta vazhdojë përkushtimin për NATO-n.
“Raportet transatlantike janë të rëndësishme për të gjithë ne, por të dyja palët duhet të kontribuojnë në të”, ka thënë tutje Osmani.
Në këtë rast ajo ka përmendur shtetet mosnjohëse të Kosovës në Evropë. Sipas saj, mosndjekja e politikës së jashtme të SHBA-së për ta njohur Kosovën kërcënon paqen në rajon.
Ajo ka thënë se Kosova jeton në paqe për shkak të lidershipit amerikan.
Osmani: Projektet e USAID-it nuk shtynin agjenda të rrezikshme në Kosovë
Presidentja e Kosovës, Vjosa Osmani, ka deklaruar se projektet e Agjencisë së SHBA-së për Zhvillim Ndërkombëtar (USAID), kanë ndikuar në zhvillimin dhe ndërtimin e Kosovës, por ka shtuar se nëpërmjet këtij programi nuk janë shtyrë agjenda të rrezikshme në Kosovë.
Ajo ka deklaruar se projektet e USAID-it ishte në Kosovë për fuqizim ekonomik, mbështetje të sistemit të drejtësisë dhe mbështetje të popullit kosovar.
“I kuptoj kritikat, në rastin e Kosovës, nuk kemi pasur projekte të tilla, që do të kishin për qëllim përhapjen e agjendave të rrezikshme në Kosovë. Shumë nga vendimet që janë marrë nga presidenti Trump i mbështesim plotësisht”, ka deklaruar Osmani.
Presidentja Osmani ka shtuar se e kupton faktin që qeveria amerikane i mbylli disa projekte, pasi sipas saj, në vende të tjera kishte dyshime se shtyheshin agjenda të tjera.
Sipas Osmanit, nëpërmjet USAID-it kanë përfituar qytetarët e Kosovës dhe Shtetet e Bashkuara të Amerikës, duke theksuar se “shumë prej projekteve mbështetnin një mjedis ekonomik që do t’i mbronte bizneset, në përputhje me standardet e SHBA-së”.
“Ishte përfitim i ndërsjellë, perspektivë e ekonomisë dhe bashkëpunimit…si dhe mbrojtje e interesave të sigurisë kombëtar të SHBA-së. Ne kemi shumë prezencë të Shteteve të Bashkuara këtu (në Kosovë) dhe shpresojmë të kemi më shumë biznese amerikane. Është e rëndësishme që Kosova të jetë një vend i sigurt, por që edhe lulëzon ekonomikisht”, u shpreh ajo.
Osmani ka shtuar se e kupton shqetësimin e presidentit Donald Trump që të ruajë paranë dhe sigurinë e amerikanëve.
Përgatiti:
