Ambasadori i Shteteve të Bashkuara të Amerikës në Kosovë, Jeffrey Hovenier, do ta përfundojë mandatin e tij trevjeçar këtë vit. Gjatë kësaj periudhe, ai ka qenë një zë i fuqishëm për përparimin e dialogut Kosovë-Serbi dhe për integrimin euroatlantik të Kosovës
Në ceremoninë lamtumirëse, ambasadori Hovenier vendosi një kurorë lulesh te statuja e ish-presidentit Ibrahim Rugova, duke nderuar figurën dhe vlerat për të cilat ai qëndronte.
Ndërkaq si nderim, një gur nga Trepça iu dorëzua ambasadorit Hovenier nga presidentja Osmani, si simbol i Kosovës së lirë dhe demokratike.
Mundesh me e lexu edhe…
“Një gur nga Trepça si simbol i tokës së lirë, të pavarur e të pandashme të Kosovës, mision për të cilin Ambasadori Hovenier u angazhua për më shumë se dy dekada. Njëkohësisht si simbol i vazhdimit të traditës dhe trashëgimisë së Presidentit Rugova, i cili vendosi themelet e forta të shtetësisë së Kosovës dhe të miqësisë së përhershme me SHBA-të”, shkroi presidentja Osmani në rrjetet sociale.
Presidenti Rugova ishte i njohur për praktikën e tij të dhurimit të gurëve, veçanërisht kristale nga Trepça, për figurat vendore dhe ndërkombëtare që vizitonin presidencën, duke i konsideruar ato si simbole të qëndrueshmërisë dhe lidhjes me tokën e Kosovës./Katror.info
Përgatiti:
