Recetat sikurse sallata klasike e makaronave, pasta-sallata kapreze, pasta-sallata me spinaq dhe pasta-sallata greke, nuk janë sygjerimet e vetme t’kategorisë (sallatë + makarona) t’cilat ne po t’i ofrojmë, meqë ne po ja shtojmë familjes t’pasta-sallatave edhe nji super-recetë tjetër që dyshojmë ta kesh provu najherë.
Nëse je merak n’pasta-sallata dhe je n’kërkim t’shijeve t’reja e unike, atëherë DUHESH me e provu pasta-sallatën me dredhëza; sallatë kjo e t’lehtë me u përgatitë, por edhe fort e shijshme dhe që mundesh me e pasë gati brenda pak minutash, me shumë pak harxh.
PËRBËRËSIT:
1/2 paketim pasta (t’ziera)
150 gr dredhëza (t’prera n’4she)
2 lugë gjelle vaj ullini
150 gr toptha mocarelle (t’prera n’gjysmë)
1 grusht gjethe mente
1/2 lugë çaji biber i zi
1/2 lugë çaji kripë
PËRGATITJA:
N’nji enë t’thellë shto pastat e ziera e t’kulluara mirë, dredhëzat dhe topthat e prerë, gjethet e mentës, erëzat dhe vajin e përzije masën mirë. Vendose sallatën n’frigorifer për 20-30 minuta dhe servo.
Mundesh me e lexu edhe…
REZULTATI:
Servoje pasta-sallatën me dredhëza qoftë si pjatë kryesore apo edhe si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 3-4 ditë mundesh me e konsumu sallatën, besa edhe me e marrë me vehte n’punë për pauzë.
E mbasi veç jemi te pastat dhe sallatat, kurdo që je n’disponim, mos e le pa e provu edhe pasta-sallatën greke, ose pasta-sallatën vegane; receta këto ideale për periudhën pranverë-verë e që definitivisht kanë me t’pëlqy shumë.
Kurse për receta t’pastave t’nxehta, pastat pranverore (primavera), pastat me tomatina t’pjekuna, ose shpagetat vegjetariane janë veç disa prej rekomandimeve t’tona t’cilat nuk kanë me t’zhgënjy. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
