Meta, Google, TikTok dhe X janë zotuar para ligjvënësve evropianë se do të bëjnë më shumë për të parandaluar dhe hequr gjuhën e paligjshme të urrejtjes në platformat e tyre.
Facebook, Instagram, TikTok, Twitch, X, YouTube, Snapchat, LinkedIn, Dailymotion, Jeuxvideo.com, Rakuten Viber dhe shërbimet e Microsoft kanë nënshkruar të gjithë “Code of Conduct on Countering Illegal Hate Speech Online Plus” – që është një përditësim i një Kodi të 2016-ës, shkruan Albanian Post.
Kodi kërkon transparencë rreth zbulimit dhe reduktimit të gjuhës së urrejtjes, për të lejuar monitoruesit e palëve të treta të vlerësojnë se si njoftimet e gjuhës së urrejtjes shqyrtohen nga platformat dhe të shqyrtojnë “të paktën dy të tretat e njoftimeve për gjuhën e urrejtjes” brenda 24 orëve.
Mundesh me e lexu edhe…
“Urrejtja dhe polarizimi janë kërcënime për vlerat dhe të drejtat themelore të BE-së dhe minojnë stabilitetin e demokracive tona” tha në një deklaratë komisioneri i BE-së Michael McGrath. “Ne besojmë se ky Kod Sjelljeje+ do të bëjë pjesën e tij për të siguruar një përgjigje të fortë.”
Këto janë angazhime vullnetare dhe kompanitë nuk përballen me asnjë ndëshkim nëse vendosin të tërhiqen nga marrëveshja, siç bëri Elon Musk me X (atëherë i njohur si Twitter) në vitin 2022 kur ai tërhoqi kompaninë nga “Code of Practice on Disinformation”./Katror.info
Përgatiti:
