Është nënshkruar memorandumi i bashkëpunimit ndërmjet Shkollës së Mesme të Lartë Profesionale të Muzikës “Prenk Jakova” në Prishtinë, e përfaqësuar nga drejtoresha e shkollës Jeta Dida – Bujari, dhe Filharmonisë së Kosovës, përfaqësuar nga u.d. drejtori i Filharmonisë së Kosovës Dardan Selimaj.
Lajmi është bërë i ditur nga Filharmonia e Kosovës.
Memorandumi ndër të tjera synon rregullimin e bashkëpunimit për ofrimin e mundësive të praktikës profesionale për nxënësit e shkollës në Filharmoninë e Kosovës; krijimin e një platforme bashkëpunimi për zhvillimin e praktikave profesionale për nxënësit e shkollës, përmes angazhimit dhe përvojës në aktivitete dhe projekte; ngritje dhe përmirësim të cilësisë profesionale të nxënësve, duke ofruar mundësi praktike dhe përvojë të vlefshme në fushën e muzikës.
Mundesh me e lexu edhe…
Në përfundim të praktikës, nxënësit do të pajisen me certifikatë vlerësimi për përvojën e fituar brenda institucionit të Filharmonisë së Kosovës, thuhet në njoftim./Katror.info
Përgatiti:
