Pasi disa kompani celulare vendosën të bëjnë një hap në tregun e makinave elektrike, si Xiaomi dhe Huawei, kohët e fundit është vënë re një tendencë e kundërt, kështu që prodhuesit e makinave elektrike po hyjnë në tregun e smartfonëve.
Kompania kineze Nio prezantoi sot smartfonin e saj të parë që është specifik për disa opsione që janë të destinuara për pronarët e makinave të tyre elektrike. Nio Phone mund të përdoret kështu si çelës makine, por pronari mund ta udhëzojë makinën që të parkojë vetë, pra të vijë nga vendi i parkimit në vendndodhjen e tij, nëpërmjet telefonit. Ky opsion, duhet theksuar, është i disponueshëm vetëm në tregun kinez dhe mund të përdoret në hapësira të kufizuara dhe me shpejtësi të ulët, shkruan Katror.info.
Telefoni i Nio vjen me deri në 30 veçori që janë specifike vetëm për makinat e tyre.
Mundesh me e lexu edhe…
It seems we can't find what you're looking for.
Kompanitë kineze shpresojnë që pajisjet e tyre të fillojnë një trend të ri në industri. Besoj se shumë nga konkurrentët tanë do të mësojnë nga risitë tona në tregun e smartfonëve dhe këtë e mirëpres, komentoi në mënyrë jo modeste CEO i kompanisë kineze, William Li.
Ky telefon inteligjent funksionon në Android 13 dhe vjen me një ekran OLED të lakuar 6.8 inç dhe mundësohet nga çipi Snapdragon 8 Gen2. Ka tre kamera në anën e pasme të telefonit – një sensor kryesor 50 MP me stabilizim optik, një sensor ultra i gjerë 50 MP dhe një sensor telefoto 50 MP. Kapaciteti i baterisë është 5200 mAh, dhe telefoni mbështet karikimin e shpejtë 66 W. Janë prezantuar tre versione të këtij telefoni (12 GB RAM dhe 512 GB, d.m.th. 1 TB hapësirë, dhe në versionin premium me 16 GB RAM dhe 1 TB hapësirë ruajtëse) me çmim prej rreth 900 deri në 1030 dollarë dhe do të jetë i disponueshëm vetëm në tregun kinez nga fundi i këtij muaji.
Si një nga arsyet pse Nio hyri në këtë treg, pavarësisht paralajmërimeve të disa analistëve se po zgjerojnë shumë shpejt biznesin e tyre, nuk është në dëshirën për të konkurruar me kompani si Apple, Samsung apo Xiaomi, por arsyeja qëndron në të dhënat. Telefonat inteligjentë do të jenë një platformë e mirë për të mbledhur edhe më shumë të dhëna, gjë që është thelbësore në botën aktuale teknologjike, dhe të dhënat mund të përdoren për përvojë më të mirë të përdoruesit, si dhe për mbajtjen e përdoruesve, komentoi analisti Will Wond nga IDC. Një tjetër prodhues i makinave elektrike ka plane të ngjashme, dhe ne presim smartfonin e parë të Polestar në tregun kinez në fund të vitit.
Nio renditet në vendin e nëntë në mesin e prodhuesve të makinave elektrike dhe hibride në Kinë, dhe së fundmi kompania ka rritur ndjeshëm investimet e saj në teknologjinë e çipave dhe baterive, të cilat ata i konsiderojnë vendimtare për përparimin e mëtejshëm./Katror.info
Përgatiti:
