Cameron Diaz është një nga aktoret më të dashura në Hollywood. Dhe ndërsa shumica prej nesh e njohin atë për punën e saj në komeditë romantike, kjo nuk është e vetmja gjë për të cilën ajo duhet vlerësuar.
Ajo ka shkruar gjithashtu 2 libra shëndetësorë deri më tani, ‘The Body Book , ku ndan formulën e saj për t’u bërë më e shëndetshme, më e lumtur dhe më e fortë , dhe ‘The Longevity Book’, ku ndan sekretet e saj për një plakje të mirë.
- Diaz provoi Botox dhe nuk i pëlqeu
Botox është një nga procedurat kozmetike më të njohura në botë që shumica e të famshëmve e kanë provuar në një kohë ose në një tjetër. Diaz, si shumë të tjerë, e provoi, por menjëherë u pendua, pasi trajtimi për të relaksuar muskujt e fytyrës dhe për të zbutur rrudhat e la atë me një fytyrë që nuk e njihte.
Mundesh me e lexu edhe…
“Jo, më mirë ta shoh veten time, fytyrën time të plakur, sesa një fytyrë që nuk më përket fare,” tha ajo.
Cameron beson se çelësi i rinisë së përjetshme është ushqimi, stërvitja, e qeshura dhe uji.
Në një intervistë, Diaz tha se para të njëzetave, vakti i saj i ushqimit ishin 2 burrito dhe një coca-cola. E ndërsa nuk shtoi asnjë kilogram, lëkura i ishte prekur. Ajo kishte akne që asnjë fondatinë nuk mund t’ja mbulonte.
“Mendova se kisha provuar gjithçka për të pastruar lëkurën time, por nuk e kuptova se i gjithë ushqimi artificial i skuqur, i yndyrshëm dhe i përpunuar po shkaktonte një rritje hormonale që e dëmtoi lëkurën time,” zbuloi Diaz . “Sapo i hoqa mbeturinat, pashë një ndryshim kaq të madh sa u ndjeva si idiote. Jo vetëm që më pastroi aknet, por më dha edhe këtë sasi të madhe energjie.”
Diaz beson se Botox-i dhe operacionet plastike kanë për qëllim t’i bëjnë njerëzit të ndihen më mirë në lëkurën e tyre, teksa vitet kalojnë. Edhe pse nuk i pëlqen ta përdorë, ajo nuk i gjykon ata që preferojnë ta përdorin atë.
Përgatiti:
