A ke pi pak (lexo: shume ma shume) se sa asht normale me pi, edhe jje zgju vet i 700-i/a? Mos ta nin’, se nuk je i/e vetmi/ja që për festa e ahengje nuk i ke përfillë 7 këshillat që 1 merakli ja jep meraklisë kur pin alkool. Poget, krejt kaniherë ja prishim rendit e përfundojmë t’u pi e t’u u kënaqë shumë 1 natë ma herët, e e pagujmë me hangover t’nesërmen,
Hangover t’mirë nuk ka, veç çka mundet me kanë i poshtër, por jo i pamposhtshëm. Andaj, përmes disa praktikave t’meraklive t’alkoolit, ti mundesh me ja lehtësu vehtës pakëz gjendjen, duke i përfillë disa këshilla e që nime ndihmojnë shumë.
1. Pi sa ma shumë ujë
Uji asht ilaç për gjithëçka e as hangover-i nuk asht përjashtim. Kur pijnë alkool njerëzit zakonishtanë tendenca mos me pi ujë, rrjedhimisht dehidrohen dhe kanë nevojë me e kompensu mungesën e langjeve n’trup. Andaj, konsumimi i ujit asht ma se i nevojshëm. Tento me pi ujë t’thjeshtë, apo ujë me limon, n’mënyrë që me u furnizu edhe me pak vitamina e me ja ndihmu lukthit e mëlçisë pak me u stabilizu.
2. Pi ajran
Ajrani sa asht freskues dhe i shijshëm, aq asht edhe i mirë me u pi pas nji nate luanësh, sepse, edhe t’ushqen pak me yndyrë, por edhe t’freskon e ta qetëson lukthin. Pi ajran sa t’mujsh e ka t’sillesh edhe ke me pa sa ma mirë ki me kanë.
Mundesh me e lexu edhe…
3. Ha ushqim t’mbushun me proteina dhe yndyrë
Lukthi mas t’pimes ka nevojë për ushqim n’mënyrë që me e shpërba alkoolin. Andaj nji ushqim proteinik e i mbyshun me yndyrna (jo me patjetër gjana t’pashnetshme) asht çelës për me e shti metabolizmin n’funksion. E nëse nuk je t’u ditë se çka saktësisht me hangër, ushqehu me vezë (meqë kanë proteina), avokado ose djathëra (meqë kanë yndyrë) dhe merr pak perime.
4. Flej pak ma gjatë
Asht vështirë me lukth t’maltretum me flejt, por mundohu me pushu t’paktën, e mos me e ngarku trunin shumë, deri sa t’kalojnë disa orë e e sheh që je pak ma mirë. Merre 1 shishe ujë afër vehtes, futja gjumë e kohë pas kohe kur t’thahesh, merr ujin e pi.
5. Mos pi ilaçe
Shumica e njerëzve kanë tendencë kur përjetojnë hangover me pi ilaçe për me ua largu kokëdhembjen, por kjo praktikë mundet me përfundu keq dhe asht e rrezikshme, sidomos nëse pak orë t’ndajnë prej hangover-it dhe kohës t’konsumimit t’alkoolit. E nuk t’duhet me kanë fort i/e meçme me e ditë se sa negativisht munden me ndiku n’organizëm ilaçet kur përzihen me alkool. Andaj, syno mos me pi asnji ilaç, sado “i lehtë” qoftë ai.
Këto këshilla mundohu me i praktiku tash që nuk je kërka hiç, n’mënyrë që me u kthjellë sa ma shpejtë, por definitivisht, merr mësim nga ky hangover dhe mos e përsërit ma t’njejëtin gabim. Pra, pi me mend.
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
