Një studim i fundit ka zbuluar se qentë mund të ndjejnë emocionet e pronarëve të tyre përmes ndryshimit të rrahjeve të zemrës. Ky studim, i realizuar nga Universiteti i Jyväskylä në Finlandë, shqyrtoi se si lidhja emocionale ndërmjet qenit dhe pronarit mund të ndikohet nga gjendja fiziologjike e secilit. Ndryshimi i numrit të rrahjeve të zemrës i referohet ndryshimeve të intervaleve midis rrahjeve të zemrës dhe tregon gjendjen e sistemit nervor autonom, i cili kontrollon funksionet e padukshme si frymëmarrja.
Kërkimi tregoi se ndryshimi i rrahjeve të zemrës të qenit përshtatet me atë të pronarit gjatë ndërveprimeve. Kur numri i rrahjeve të zemrës së pronarit ishte i lartë edhe qeni kishte gjithashtu të lartë numrin e rrahjeve. Po ashtu, kur pronari ishte më aktiv dhe qeni gjithashtu bëhej më aktiv. Ky studim sugjeron se qentë mund të jenë shumë të ndjeshëm ndaj ndjenjave dhe emocioneve të pronarëve të tyre, duke krijuar një lidhje të thellë dhe të natyrshme.
Mundesh me e lexu edhe…
Aija Koskela, studiuese doktorature në këtë studim, shpjegoi se ky efekt ishte veçanërisht i dukshëm gjatë periudhave të pushimit. Ajo theksoi se kur pronari dhe qeni janë duke pushuar dhe nuk ka “detyra” që i shpërqendrojnë, ata mund të reagojnë në mënyrë më të natyrshme ndaj gjendjes emocionale të njëri-tjetrit.
Studiuesit gjithashtu zbuluan se pronarët e qenëve që kanë tendencë për negativitet emocional, si ankthi dhe pasiguria, kishin ndryshim më të lartë të rrahjeve të zemrës. Këta individë shpesh krijojnë lidhje të forta me qentë, duke ndjerë një ndjenjë sigurie. Ky studim mund të ndihmojë jo vetëm për të kuptuar më mirë marrëdhënien mes qenit dhe pronarit, por gjithashtu mund të ofrojë mundësi për përmirësimin e shëndetit mendor të të dy palëve./Katror.info
Përgatiti:
