Këtë verë kemi pasur mot të paparashikueshëm. Njëherë dimër i vonë, dimër i butë, mandej nuk pat dimër hiç. Pastaj i tërë qershori me shi. Ndërsa tash mot me një t’nxehtë t’pa parashikueshëm. Në një intervistë për Katror Media, meteorologu Mendim Rugova shpjegon se aktualisht Kosova po kalon në një mot afrikan, i cili është duke kaluar mbi Mesdhe dhe mbi rajonin tonë.
“Tash i ka rritë temeperaturat ndoshta pak jashtëzakonisht t’larta, edhe pse janë normale këto temperatura që po i kalojmë këto ditë. Ditëve të ardhshme do të kem temperatura më t’nalta do të thotë ditën e enjte, munden temperaturat t’arrijnë deri në 37 apo 38 gradë celsius nëpër disa vende. Mirëpo, që ky i nxehtë po duket që do të vazhdojë edhe më tutje, do të thotë edhe gjatë fundjavës vazhdon me qenë mot më i nxehtë edhe java e ardhshme me siguri do të kemi këtë mot të njëjtë,” tha ai.
I pyetur se cka mund të bëjnë qytetarët, sidomos ata që janë më të ndjeshëm për t’u mbrojtur nga moti i nxehte, Rugova rekomandon që të shmangen orët e pasdites.
Mundesh me e lexu edhe…
“Në këto kushte t’motit t’nxehtë patjetër që orët e pasditës janë më të rrezikshmet. Duhet t’i shmangemi sa më shumë daljeve në ambient të jashtëm, sidomos duhet me e pasë kujdes edhe n’vendpunishtet. Do të thotë edhe n’vendpunishte pak me u rujt me qenë më t’sigurt edhe me bo pak pauza nashta n’këtë periudhë kohore pasi orët e pasdites janë më të nxehtat. Gjithmonë preferohet që me qenë t’hidratum do të thotë me pi sa ma shumë ujë, jo pije alkoolike apo pije me sheqer por kryesisht ujë edhe me ndejtë në ambiente të mbyllura me ajër t’kondicionum ose që janë pak më t’ftohta.”
Ai thotë se në këto kushte të nxehta duhet të shmangen rrezet ultravjollce që në këtë periudhë e kanë rrezikshmërinë shumë të lartë.
“Kështu që preferohet me përdorë krema t’mbrojtjes, natyrisht sa më pak me dalë prej orës 10:00 deri n’16:00 mundësisht sa më pak me dalë n’ambiente t’hapura. Kapelat me mburoje, t’i përdorim syzet e diellit edhe nëse kemi mundësi me i përcjellë hijet, pemët nëpër qytet me i përcjellë sa më shumë apo ndërtesat, me nejtë nëpër hije,” thotë Rugova.
Rekomandime e këshilla se si të mbrohemi nga temperaturat e larta jep edhe mjekja e Mjekësisë Familjare, Vlora Esati.
“Personat të cilët janë të rrezikuar për shkak të temperaturave të larta janë personat e moshuar, personat me sëmundje kronike, fëmijët dhe gratë shtatzëna. Prandaj rekomandojmë që këta persona sidomos gjatë kohës së mesditës prej orës 10:00 deri në ora 17:00 nuk preferohen të dalin jashtë dhe t’i ekspozohen këtyre temperaturave,” shprehet ajo.
Por, mund të ketë raste që edhe kjo kategori e ka të domosdoshme të dalë gjatë kësaj kohe. Në këtë rast ata duhet të bartin me vete kapela, rrobat t’i kenë të veshura me ngjyra të hapura për shkak se ato i reflektojnë rrezet e diellit dhe të kenë material pambuku.
“Rekomandohet që këta persona të konsumojnë sa më shumë lëngje, ujë, çajëra dhe supa. Preferohet që gjatë kësaj kohe më tepër të përdoren pemë dhe perime sesa të konsumojnë ushqime të tjera. Tjetër çka ne duhet të kemi kujdes është që këta persona nëse kanë ankesa për shembull nëse kanë kokëdhimbje, nëse kanë tharje të gojës, marramendje duhet patjetër që të lajmërohen te Qendra e Mjekësisë Familjare aty ku e kanë më afër”, rekomandon doktoresha Esati.
Por, sa kanë njohuri qytetarët për me u rujtë nga nxehti?
“Besoj që po, besoj që kjo është e lajmrume përmes mediave që është tepër vapë e madhe, besoj që secili duhet me ditë. Po t’arsyshme besoj që këta që janë n’moshë ma shtyer, këta që kanë sëmundje kronike, sheqer, këto. Mirëpo është e parapame edhe me kapela, tash po e dijmë që vapë e madhe duhet me u ruajt secili, ” thotë një qytetar në sheshin Skënderbeu.
Edhe një qytetar tjetër rekomandon që të zgjedhen vendet që kanë hije, dhe të konsumohen sa më shumë uji dhe lëngjet.
E në këtë mot jashtëzakonisht të nxehtë, një lajm shumë i mirë nga vjen nga Tirana, që ka menduar për qytetarët e vetë, dhe jo vetëm, duke krijuar disa vendkalime freskimi, në të cilat qytetarët mund të freskohen. /Katror.info
O shoqet turiste, avash me ujin mi goca se o per fresk, jo per dush 🥵🚿🤣 pic.twitter.com/KvYrQAJqPz— Erion Veliaj #ECS2023 🇪🇺🇦🇱 (@erionveliaj) July 12, 2023
Përgatiti:
