Doktoresha shqiptare dhe pedagogia në Universitetin e Gracit, Lumnije Kqiku – Biblekaj, është nderuar nga qyteti i Gracit me çmimin “Personalitet nderi me medalje të artë”.
Në këtë manifestim të pranishëm ishin pothuajse gjithë qeveria e qytetit si dhe vet kryebashkiakja e Gracit Elke Kahr, e cila me këtë rast ka theksuar:
“Mirënjohja është gjëja më e thjeshtë për të ju thënë faleminderit”, shkruan gazeta graz.at, përcjell albinfo.at.
Mundesh me e lexu edhe…
Përveç studiuses shqiptare Lumnije Kqiku, më këtë çmim janë nderuar edhe personalitete të tjera si: Klaus Eberhartinger, Herbert Beiglböck, Christa Fonatsch, Eva Maria Lenger dhe Christian Urban. Letra e qytetarëve iu dorëzua, Helmut Reinhofer.
Gëzimin për pranimin e këtij çmimi, Lumnije Kqiku e ka ndarë me miqtë e saj, me anë të një postimi në rrjetet sociale, ndërkohë çmimin ia ka dedikuar babait të saj i cili muaj me parë ka ndrruar jetë.
“Çmimin që sot u nderova nga qyteti i Gracit të Austrisë për të arriturat shkencore “Personalitet nderi me medalje të artë”, çmim që na nderoi të gjithëve, ju dedikoj prindërve të mi, posaçërisht Ty BABË me zemër krenare, por edhe shumë të thyer, që nuk ishe në mesin tonë, sot”, ka shkruar doktoresha.
Lumnije Kqiku është specialiste e Endodoncionit dhe Traumatologjisë Dentare dhe Docente në Universitetin e Gracit. Ajo është bërë model i një femre të suksesshme, me një karrierë të pasur akademike
Në tetor të vitit 2022. Lumnije Kqiku është nderuar me çmimin “Lidership by Example”. Këtë çmim ajo e ka fituar në kuadër të “Kongresit të Dytë Klinik të Kolegjit të Kirurgëve të Kosovës” nga Departamenti Klinik për Stomatologji Konservative, Periodontologji dhe Stomatologji në Med Uni Graz. Çmimin e ka dorëzuar ish-ministri i Shëndetësisë së Kosovës, Rifat Latifi./Katror.info
Përgatiti:
