Sekretari amerikan i shtetit, Marco Rubio, ka thënë se Shtetet e Bashkuara të Amerikës do të vazhdojnë të japin përkrahje financiare për shtetet që i ka partnere, megjithatë ndihmat s’do të jepen në mënyrën se si janë dhënë nga administratat e kaluara. Ai i bëri këto komente gjatë vizitës në Xhamajka, shkruan Katror.info.
“Shtetet e Bashkuara nuk po tërhiqen nga ndihma e huaj. Ne do të vazhdojmë të ofrojmë ndihmë të huaj. Dallimi është se duam ta ofrojmë këtë ndihmë në një mënyrë që është e përafruar strategjikisht me prioritetet tona të politikës së jashtme dhe me prioritetet e vendeve pritëse dhe shteteve me të cilat jemi partnerë,” u shpreh ai.
“Në thelb, si ka funksionuar dhe si ka funksionuar në të kaluarën është që USAID ose ndonjë entitet tjetër ka hyrë në një vend dhe ka thënë: ‘Ne mendojmë se kjo është ajo që ju nevojitet’. Pastaj ata punësojnë një OJQ, e cila ndoshta ka qenë ajo që i ka bindur se kjo është e nevojshme, u japin një shumë të madhe parash dhe ata hyjnë në vend dhe realizojnë projekte. Disa nga këto programe janë të mira, janë gjëra të vlefshme. Herë të tjera, jo aq shumë. Megjithatë, kështu ka qenë më parë,” tha Rubio, duke theksuar se tashmë janë ambasadat ato që do përcaktojnë se çka i duhet një vendi.
Mundesh me e lexu edhe…
“Si duam të veprojmë në të ardhmen është që ambasadat tona të jenë të përfshira me qeverinë pritëse, me vendet pritëse, me partnerët tanë, dhe t’i pyesim ata: ‘Cilat janë nevojat tuaja?’ dhe të ofrojmë ndihmë të përshtatur me nevojat e shteteve që na presin dhe me të cilat jemi në partneritet,’ u shpreh ai.
Fjalimi u shpërnda nga Ambasada e SHBA-së në Prishtinë.
Përgatiti:
